الماتى قالاسى قازاقستانداعى مادەنيەت پەن سپورتتىڭ باستى ورتالىقتارىنىڭ ءبىرى دەسەك قاتەلەسپەيمىز. قالادا ونەر مەن سپورت سالالارى كەڭىنەن دامىعان، جانە بۇل باعىتتار قالا تۇرعىندارى مەن قوناقتارىنىڭ ومىرىندە ايتارلىقتاي ماڭىزدى ورىن الادى.
ونەر – الدى قىزىل ءتىل
الماتىدا بىرنەشە اتاقتى تەاترلار بار، ولاردىڭ ىشىندە اباي اتىنداعى قازاق مەملەكەتتىك اكادەميالىق وپەرا جانە بالەت تەاترى، م.اۋەزوۆ اتىنداعى قازاق مەملەكەتتىك اكادەميالىق دراما تەاترى، جانە لەرمونتوۆ اتىنداعى ورىس دراما تەاترى ەرەكشە ورىن الادى. بۇل مادەني مەكەمەلەر ۇلتتىق جانە حالىقارالىق قويىلىمدار ۇيىمداستىرىپ، قازاقستاننىڭ مادەني مۇراسىن دارىپتەۋدە ماڭىزدى ءرول اتقارىپ جاتىر. كينويندۋستريا. الماتى قازاقستانداعى كينويندۋستريانىڭ نەگىزگى ورتالىعى. قالادا جىل سايىن “ەۋرازيا” حالىقارالىق كينوفەستيۆالى سياقتى ماڭىزدى مادەني شارالار وتەدى. سونىمەن قاتار، كوپتەگەن قازاقستاندىق فيلمدەر مەن تەلەسەريالدار وسى قالادا ءتۇسىرىلىپ جاتادى. بۇل قالانىڭ مادەني دامۋىنا جانە كينو ونەرىنىڭ كەڭ تارالۋىنا ءوز ۇلەسىن قوسىپ كەلەدى. كوركەمسۋرەت جانە زاماناۋي ونەر. الماتىدا كوركەمسۋرەت گالەرەيالارى مەن مۋزەيلەر كوپتەپ كەزدەستىرەمىز. ولاردىڭ قاتارىندا ءابىلحان قاستەەۆ اتىنداعى مەملەكەتتىك ونەر مۇراجايى ەرەكشە ورىن الادى، مۇندا قازاق جانە شەتەلدىك سۋرەتشىلەردىڭ باي كوللەكتسيالارى ساقتالعان. سونداي-اق، زاماناۋي ونەر ورتالىقتارى مەن كرەاتيۆتى كەڭىستىكتەر، مىسالى اتاپ وتەر بولساق: ARTiSHOCK تەاترى، Tselinny تسەنتر جانە Esentai Gallery سىندى جاڭا بۋىن سۋرەتشىلەرى مەن ديزاينەرلەرىۇشىن پلاتفورما رەتىندە قىزمەت ەتەدى. بۇدان باسقا، الماتىدا ءتۇرلى مۋزىكالىق جانرلار كەڭىنەن تارالعان. قالادا زاماناۋي مۋزىكالىق فەستيۆالدەردەن باستاپ، كلاسسيكالىق مۋزىكا كونتسەرتتەرىنە دەيىن وتەدى. الماتى سيمفونيالىق وركەسترى مەن ءتۇرلى حالىق اسپاپتارى انسامبلدەرى قالانىڭ مادەني ومىرىنە ەرەكشە رەڭك بەرەدى.
سپورت - بەيبىتشىلىك ەلشىسى
الماتى قالاسى تاۋ شاڭعىسى جانە قىسقى سپورت تۇرلەرىمەن تانىمال. شىمبۇلاق تاۋ-شاڭعى كۋرورتى – حالىقارالىق دەڭگەيدە تانىلعان سپورتتىق نىسان، مۇندا جىل سايىن قىسقى سپورت تۇرلەرى بويىنشا حالىقارالىق جارىستار ۇيىمداستىرىلادى. مەدەۋ مۇز ايدىنى – الەمدەگى ەڭ بيىك ورنالاسقان اشىق مۇز ايدىنى، وندا كونكي تەبۋمەن قاتار ءتۇرلى جارىستار وتەدى. ودان بولەك مۇندا جەرگىلىكتى حالىق دەمالۋ ءۇشىن كوپ جينالادى. فۋتبول جانە باسقا دا كوماندالىق سپورت تۇرلەرى. قالانىڭ فۋتبولدان دامۋىنا “قايرات” فۋتبول كلۋبى ەرەكشە ۇلەس قوسىپ ءجۇر. كلۋبتىڭ ستاديونىندا ءارتۇرلى دەڭگەيدەگى فۋتبول ماتچتارى وتكىزىلىپ، فۋتبول سۇيەر قاۋىمدى جينايدى. سونىمەن قاتار، بۇل جەردە باسكەتبول، ۆولەيبول جانە رەگبي سياقتى كوماندالىق سپورت تۇرلەرى دە تانىمال دەپ ايتا الامىز. جەڭىل اتلەتيكا جانە جاپپاي سپورت. الماتىدا جاپپاي سپورتپەن اينالىسۋ ءۇشىن كەڭىنەن دامىعان ينفراقۇرىلىم بار. قالادا جۇگىرۋ جارىستارى، ۆەلوسيپەد جارىستارى، مارافوندار مەن ءتۇرلى سپورتتىق ءىس-شارالار ءجيى وتكىزىلىپ تۇرادى. اسىرەسە، الماتى مارافونى حالىقارالىق دەڭگەيدە بەلگىلى شارالاردىڭ ءبىرى. تۇرعىنداردا مۇنداي جيىنداردا بەلسەندىلىك تانىتىپ قاتىسادى. كۇرەس جانە جەكپە-جەك سپورتتارى. مۇندا كۇرەس، دزيۋدو، بوكسپەن اينالىساتىن سپورتشىلاردىڭ سانى كوپ. بۇل سپورت تۇرلەرى بويىنشا قالادا رەسپۋبليكالىق جانە حالىقارالىق تۋرنيرلەر وتكىزىلىپ تۇرادى. قازاقستاندىق تانىمال سپورتشىلاردىڭ بىرقاتارى وسى قالادان شىققان.
سپورت ينفراقۇرىلىمى. قالادا كوپتەگەن ستاديوندار، سپورت زالدارى، فيتنەس ورتالىقتار جانە سپورتتىق كەشەندەر بار. ولاردىڭ ىشىندە “حالىق ارەنا”، “بالۋان شولاق اتىنداعى سپورت سارايى” جانە “الماتى ارەنا” سياقتى ءىرى سپورت كەشەندەرى ماڭىزدى ورىن الادى. مۇنىڭ بارلىعى الماتى قالاسىنىڭ سپورت ينفراقۇرىلىمى جوعارى دەڭگەيدە ەكەنىنىڭ ايقىن دالەلى!
قورىتىندىلاي كەلە، الماتى قالاسى ونەر مەن سپورت سالالارىندا كوپقىرلى جەتىستىكتەرگە قول جەتكىزىپ كەلەدى. ونەر سالاسى ءداستۇرلى مادەنيەت پەن زاماناۋي كرەاتيۆتى باعىتتاردى ۇشتاستىرسا، سپورت سالاسى حالىقارالىق دەڭگەيدەگى جارىستار مەن جاپپاي سپورتتى دامىتۋعا دۇرىس باعىتتالعان.
مۇراتقىزى ايگۇل
