Almaty qalasy Qazaqstandaǵy mádenıet pen sporttyń basty ortalyqtarynyń biri desek qatelespeımiz. Qalada óner men sport salalary keńinen damyǵan, jáne bul baǵyttar qala turǵyndary men qonaqtarynyń ómirinde aıtarlyqtaı mańyzdy oryn alady.
Óner – aldy qyzyl til
Almatyda birneshe ataqty teatrlar bar, olardyń ishinde Abaı atyndaǵy Qazaq memlekettik akademııalyq opera jáne balet teatry, M.Áýezov atyndaǵy Qazaq memlekettik akademııalyq drama teatry, jáne Lermontov atyndaǵy orys drama teatry erekshe oryn alady. Bul mádenı mekemeler ulttyq jáne halyqaralyq qoıylymdar uıymdastyryp, Qazaqstannyń mádenı murasyn dáripteýde mańyzdy ról atqaryp jatyr. Kınoındýstrııa. Almaty Qazaqstandaǵy kınoındýstrııanyń negizgi ortalyǵy. Qalada jyl saıyn “Eýrazııa” halyqaralyq kınofestıvali sııaqty mańyzdy mádenı sharalar ótedi. Sonymen qatar, kóptegen qazaqstandyq fılmder men teleserıaldar osy qalada túsirilip jatady. Bul qalanyń mádenı damýyna jáne kıno óneriniń keń taralýyna óz úlesin qosyp keledi. Kórkemsýret jáne zamanaýı óner. Almatyda kórkemsýret galereıalary men mýzeıler kóptep kezdestiremiz. Olardyń qatarynda Ábilhan Qasteev atyndaǵy Memlekettik óner murajaıy erekshe oryn alady, munda qazaq jáne sheteldik sýretshilerdiń baı kollekııalary saqtalǵan. Sondaı-aq, zamanaýı óner ortalyqtary men kreatıvti keńistikter, mysaly atap óter bolsaq: ARTiSHOCK teatry, Tselinny entr jáne Esentai Gallery syndy jańa býyn sýretshileri men dızaınerleriúshin platforma retinde qyzmet etedi. Budan basqa, Almatyda túrli mýzykalyq janrlar keńinen taralǵan. Qalada zamanaýı mýzykalyq festıvalderden bastap, klassıkalyq mýzyka konertterine deıin ótedi. Almaty sımfonııalyq orkestri men túrli halyq aspaptary ansamblderi qalanyń mádenı ómirine erekshe reńk beredi.
Sport - beıbitshilik elshisi
Almaty qalasy taý shańǵysy jáne qysqy sport túrlerimen tanymal. Shymbulaq taý-shańǵy kýrorty – halyqaralyq deńgeıde tanylǵan sporttyq nysan, munda jyl saıyn qysqy sport túrleri boıynsha halyqaralyq jarystar uıymdastyrylady. Medeý muz aıdyny – álemdegi eń bıik ornalasqan ashyq muz aıdyny, onda konkı tebýmen qatar túrli jarystar ótedi. Odan bólek munda jergilikti halyq demalý úshin kóp jınalady. Fýtbol jáne basqa da komandalyq sport túrleri. Qalanyń fýtboldan damýyna “Qaırat” fýtbol klýby erekshe úles qosyp júr. Klýbtyń stadıonynda ártúrli deńgeıdegi fýtbol matchtary ótkizilip, fýtbol súıer qaýymdy jınaıdy. Sonymen qatar, bul jerde basketbol, voleıbol jáne regbı sııaqty komandalyq sport túrleri de tanymal dep aıta alamyz. Jeńil atletıka jáne jappaı sport. Almatyda jappaı sportpen aınalysý úshin keńinen damyǵan ınfraqurylym bar. Qalada júgirý jarystary, velosıped jarystary, marafondar men túrli sporttyq is-sharalar jıi ótkizilip turady. Ásirese, Almaty marafony halyqaralyq deńgeıde belgili sharalardyń biri. Turǵyndarda mundaı jıyndarda belsendilik tanytyp qatysady. Kúres jáne jekpe-jek sporttary. Munda kúres, dzıýdo, bokspen aınalysatyn sportshylardyń sany kóp. Bul sport túrleri boıynsha qalada respýblıkalyq jáne halyqaralyq týrnırler ótkizilip turady. Qazaqstandyq tanymal sportshylardyń birqatary osy qaladan shyqqan.
Sport ınfraqurylymy. Qalada kóptegen stadıondar, sport zaldary, fıtnes ortalyqtar jáne sporttyq keshender bar. Olardyń ishinde “Halyq Arena”, “Balýan Sholaq atyndaǵy sport saraıy” jáne “Almaty Arena” sııaqty iri sport keshenderi mańyzdy oryn alady. Munyń barlyǵy Almaty qalasynyń sport ınfraqurylymy joǵary deńgeıde ekeniniń aıqyn dáleli!
Qorytyndylaı kele, Almaty qalasy óner men sport salalarynda kópqyrly jetistikterge qol jetkizip keledi. Óner salasy dástúrli mádenıet pen zamanaýı kreatıvti baǵyttardy ushtastyrsa, sport salasy halyqaralyq deńgeıdegi jarystar men jappaı sportty damytýǵa durys baǵyttalǵan.
Muratqyzy Aıgúl
