الماتىدا 22 قازاندا قالا پروكۋراتۋراسى ءىرى ەسىرتكى زەرتحاناسىن جويدى، دەپ حابارلايدى «ادىرنا» ۇلتتىق پورتالى.
وپەراتسيا بارىسىندا قىلمىستىق كاسىپورىنىنىڭ ۇيىمداستىرۋشىسى ۇستالعان.
«زەرتحانانى ءتىنتۋ كەزىندە 3 پوليەتيلەن پاكەتكە ورالعان 15 كگ دايىن مەفەدرون، ارقايسىسى 30 ليترلىك 36 كانيستر، 10 ليترلىك 4 كانيستر، بەس ليترلىك 5 شەلەك، 8 ليترلىك سۇيىقتىق ساقتالعان پلاستيك بوتەلكەلەر، سونداي-اق سورۋ جۇيەسى بار مونشاسى، ونىڭ ىشىندە رەاگەنتتەردى ارالاستىرۋ ءۇشىن قولدانىلاتىن 150 ليترلىك بوشكە، ەلەكتروندى تارازى، تىنىس الۋ ماسكالارى، ارالاستىرۋعا بەيىمدەلگەن بۇراعىش، 8 پلاستيكالىق ناۋالارتابىلىپ تاركىلەندى. تاركىلەنگەن بارلىق قۇرال-جابدىقتار مەن زاتتار ساراپتاماعا جىبەرىلدى. زەرتحانانى ۇيىمداستىرۋشى ۋاقىتشا ۇستاۋ يزولياتورىنا قامالدى» - دەپ مالىمدەدى الماتى قالاسى پروكۋراتۋراسىنىڭ ءباسپاسوز قىزمەتى.
ايتا كەتەيىك، الماتى قالاسىنىڭ پروكۋراتۋراسى قۇقىق قورعاۋ ورگاندارىمەن بىرلەسە وتىرىپ، قالادا بەلسەندى جۇمىس ىستەپ تۇرعان 22 ناركولوگيالىق زەرتحانانىڭ جولىن كەسكەن.
