اتىراۋدا Halyk Bank وبلىستىق فيليالىنىڭ جاڭا عيماراتىن سالۋ اياسىندا كاپسۋلا سالۋدىڭ سالتاناتتى ءراسىمى ءوتتى. ءىس-شاراعا اتىراۋ قالاسىنىڭ اكىمى شاكىر كەيكين جانە Halyk Bank باسقارما توراعاسى ءۇمىت شاياحمەتوۆا. ءراسىم بارىسىندا قاتىسۋشىلارعا عيماراتتىڭ ماكەتى مەن ينتەرەرىنىڭ كونتسەپتىسى تانىستىرىلدى، سونداي-اق قۇرىلىس بارىسى تۋرالى بەينەروليك كورسەتىلدى.
قالا اكىمى كەيكين شاكىر كەيكينۇلى بانك فيليالىنىڭ جاڭا عيماراتىنىڭ قۇرىلىسىنا پىكىر بىلدىرە وتىرىپ، بۇل وقيعا تەك بانك سالاسىنىڭ ەمەس، سونىمەن قاتار قالامىزدىڭ ەكونوميكالىق دامۋىنداعى ماڭىزدى قادامداردىڭ ءبىرى بولىپ تابىلادى.
«Halyk Bank – ەلىمىزدىڭ قارجى سەكتورىنداعى كوشباسشى بانكتەردىڭ ءبىرى جانە ءبىزدىڭ ءوڭىردىڭ ەكونوميكالىق تۇراقتىلىعىنا، دامۋ قارقىنىنا قوسقان ۇلەسى ايتارلىقتاي. بانك شاعىن جانە ورتا بيزنەستى قولداۋمەن قاتار، قالامىزداعى كوپتەگەن جوبالار مەن باستامالاردىڭ جۇزەگە اسۋىنا دا سەرپىن بەرىپ كەلەدى. جاڭا عيماراتتىڭ قۇرىلىسى وسى جەتىستىكتەردىڭ جالعاسى رەتىندە قالا ەكونوميكاسىنىڭ نىعايۋىنا جانە حالىققا ساپالى قىزمەت كورسەتۋدىڭ جاڭا دەڭگەيگە كوتەرىلۋىنە سەپتىگىن تيگىزەدى دەپ سەنەمىز.
سونىمەن قاتار، Halyk Bank-كە اتىراۋ قالاسىنداعى سۋ تاسقىنىنا بايلانىستى توتەنشە جاعداي كەزىندە كورسەتكەن زور كومەگى مەن قولداۋى ءۇشىن شىن جۇرەكتەن ريزاشىلىعىمدى بىلدىرەمىن. بانك وسى قيىن ساتتە تۇرعىندارعا قول ۇشىن سوزىپ، ماتەريالدىق جانە قارجىلاي كومەك كورسەتتى. سىزدەردىڭ بۇل كومەكتەرىڭىز كوپتەگەن ادامداردىڭ ءومىرىن جەڭىلدەتىپ، قيىندىقتاردى جەڭۋگە سەپتىگىن تيگىزدى. Halyk Bank-ءتىڭ وسىنداي الەۋمەتتىك جاۋاپكەرشىلىگى ايماقتىڭ دامۋى مەن قوعام الدىنداعى مىندەتتەمەلەرىن ورىنداۋدا ماڭىزدى ءرول اتقاراتىنىن كورسەتەدى»، - دەپ قورىتىندىلادى قالا اكىمى.
«Halyk اكتيۆتەردىڭ مولشەرى بويىنشا وتاندىق قارجى سەكتورىنداعى №1 بانك بولىپ تابىلادى. ءبىز ەكونوميكانىڭ ناقتى سەكتورىنىڭ 50 پايىزىن كرەديتتەيمىز جانە بيزنەس ءۇشىن دە، حالىق ءۇشىن دە ساپالى بانك قىزمەتتەرىنىڭ بارلىق سپەكترىن ۇسىنامىز. ءبىزدىڭ بانك اتىراۋ وبلىسىنىڭ بارلىق ءىرى كومپانيالارىن قارجىلاندىراتىنى بارىنە ءمالىم. وسىلايشا، ءبىز ءوڭىر مەن رەسپۋبليكانىڭ ەكونوميكالىق دامۋىنا ەلەۋلى ۇلەس قوسامىز. فيليالىمىزدىڭ جاڭا عيماراتىنىڭ قۇرىلىسىنا كەلەتىن بولساق، ءبىز تەك بولىمشەلەر اشىپ قانا قويماي، سونىمەن قاتار ءوزىمىزدىڭ ونلاين-سەرۆيستەرىمىز بەن ەكوجۇيەلىك ونىمدەرىمىزدى دامىتۋعا جانە جەتىلدىرۋگە ۇنەمى ينۆەستيتسيا سالاتىنىمىزدى اتاپ وتكىم كەلەدى. بۇل ءبىزدىڭ كليەنتتەرىمىز ءۇشىن بارىنشا قولايلى جاعداي جاساۋعا باعىتتالعان. ءبىز ءوز وتانداستارىمىزعا پايدامىزدى تيگىزگىمىز كەلەدى جانە ولاردىڭ الدىندا تۇرعان وتكىر ماسەلەلەردى شەشۋگە كومەكتەسكىمىز كەلەدى»، - دەپ اتاپ ءوتتى Halyk باسشىسى ءۇمىت شاياحمەتوۆا.
وبلىس تۇرعىندارىنا اتاۋلى كومەكتىڭ سوڭعى مىسالدارىنىڭ ءبىرى - سۋ تاسقىنىنان زارداپ شەككەندەردىڭ ۇيلەرىن قالپىنا كەلتىرۋ جانە جاڭا ءۇي ساتىپ الۋعا قايىرىمدىلىق قارجىلاي كومەك كورسەتۋ بولدى. وسى يگى ىسكە Halyk Bank جانە ونىڭ اكتسيونەرى تيمۋر قۇلىباەۆ «حالىق» جەكە قايىرىمدىلىق قورى ارقىلى ءوز قاراجاتىنان 31,4 ملرد تەڭگە ءبولدى.
