مەملەكەت باسشىسى قاسىم-جومارت توقاەۆ «قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى» جارلىققا قول قويدى، دەپ حابارلايدى "ادىرنا" ۇلتتىق پورتالى.
رەسپۋبليكا كۇنى قارساڭىندا پرەزيدەنت قاسىم-جومارت توقاەۆتىڭ جارلىعىمەن ەلىمىزدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتى نىعايتۋعا قوسقان ەلەۋلى ۇلەسى مەن بەلسەندى قوعامدىق قىزمەتى ءۇشىن ءبىر توپ ازامات مەملەكەتتىك ناگرادالارمەن ماراپاتتالدى. ولاردىڭ قاتارىندا ءبىلىم بەرۋ، دەنساۋلىق ساقتاۋ، مادەنيەت جانە عىلىم قايراتكەرلەرى، ءوندىرىس، بيزنەس سالالارىنىڭ كورنەكتى وكىلدەرى، دەپۋتاتتار، مەملەكەتتىك جانە قۇقىق قورعاۋ ورگاندارىنىڭ قىزمەتكەرلەرى، اسكەري قىزمەتشىلەر، سپورتشىلار جانە ەڭبەك ارداگەرلەرى بار.
وتاندىق عىلىمدى دامىتۋداعى ايرىقشا جەتىستىكتەرى، سونداي-اق قوعامدىق قىزمەتتەگى اسا ۇزدىك ەڭبەگى ءۇشىن «قازاقستاننىڭ ەڭبەك ەرى» اتاعى «قازاقستان رەسپۋبليكاسى پرەزيدەنتىنىڭ جانىنداعى «قازاقستان رەسپۋبليكاسىنىڭ ۇلتتىق عىلىم اكادەمياسى» كەاق ۆيتسە-پرەزيدەنتى اسقار جۇمادىلداەۆقا بەرىلدى.
قازاقستان رەسپۋبليكاسىنىڭ الەۋمەتتىك-گۋمانيتارلىق دامۋىنداعى اسا ۇزدىك جەتىستىكتەرى ءۇشىن «قازاقستاننىڭ ەڭبەك ەرى» اتاعى الماتى قالاسى، «№4 ارنايى مەكتەپ-ينتەرنات» كمم مۇعالىمى گۇلجانارنۇرپەيىسوۆاعا جانە ورال قالاسى، «اسان تايمانوۆ اتىنداعى №34 مەكتەپ-گيمنازيا» كمم مۇعالىمى ەلمارا ترايسوۆاعا بەرىلدى.
وندىرىستىك قىزمەتتەگى ەرەكشە ەڭبەگى ءۇشىن «قازاقستاننىڭ ەڭبەك ەرى» اتاعى قاراعاندى وبلىسى، «شاحتەرسكوە» جشس ديرەكتورى گەورگي پروكوپكە بەرىلدى.
