Memleket basshysy Qasym-Jomart Toqaev «Qazaqstan Respýblıkasynyń memlekettik nagradalarymen nagradtaý týraly» Jarlyqqa qol qoıdy, dep habarlaıdy "Adyrna" ulttyq portaly.
Respýblıka kúni qarsańynda Prezıdent Qasym-Jomart Toqaevtyń Jarlyǵymen elimizdiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqty nyǵaıtýǵa qosqan eleýli úlesi men belsendi qoǵamdyq qyzmeti úshin bir top azamat memlekettik nagradalarmen marapattaldy. Olardyń qatarynda bilim berý, densaýlyq saqtaý, mádenıet jáne ǵylym qaıratkerleri, óndiris, bıznes salalarynyń kórnekti ókilderi, depýtattar, memlekettik jáne quqyq qorǵaý organdarynyń qyzmetkerleri, áskerı qyzmetshiler, sportshylar jáne eńbek ardagerleri bar.
Otandyq ǵylymdy damytýdaǵy aıryqsha jetistikteri, sondaı-aq qoǵamdyq qyzmettegi asa úzdik eńbegi úshin «Qazaqstannyń Eńbek Eri» ataǵy «Qazaqstan Respýblıkasy Prezıdentiniń janyndaǵy «Qazaqstan Respýblıkasynyń Ulttyq ǵylym akademııasy» KeAQ vıe-prezıdenti Asqar Jumadildaevqa berildi.
Qazaqstan Respýblıkasynyń áleýmettik-gýmanıtarlyq damýyndaǵy asa úzdik jetistikteri úshin «Qazaqstannyń Eńbek Eri» ataǵy Almaty qalasy, «№4 arnaıy mektep-ınternat» KMM muǵalimi GúljanarNurpeıisovaǵa jáne Oral qalasy, «Asan Taımanov atyndaǵy №34 mektep-gımnazııa» KMM muǵalimi Elmara Traısovaǵa berildi.
Óndiristik qyzmettegi erekshe eńbegi úshin «Qazaqstannyń Eńbek Eri» ataǵy Qaraǵandy oblysy, «Shahterskoe» JShS dırektory Georgıı Prokopke berildi.
