بيىلعى جىلدىڭ سوڭىنا دەيىن قازاقستاندا مىندەتتى مەديتسينالىق ساقتاندىرۋ قورىن تسيفرلاندىرۋدى اياقتاۋ، ال كەلەسى جىلى دەنساۋلىق ساقتاۋ سالاسىندا بىرىڭعاي اقپاراتتىق جۇيەنى ەنگىزۋ جوسپارلانعان. بۇل بارلىق مەديتسينالىق ۇيىمدار اراسىندا اقپارات الماسۋدى ورناتۋعا مۇمكىندىك بەرەدى.
اقمولا وبلىسىندا دەنساۋلىق ساقتاۋ سالاسى تسيفرلاندىرۋ رەلستەرىنە بەرىك ورنىقتى. تەحنولوگيا ارقىلى ءدارىحانا پۋنكتتەرىندە ءدارى-دارمەك اينالىمىن باقىلاۋعا بولادى. مىسالى، كوكشەتاۋداعى Vita ءدارىحانالار جەلىسىندە دارىلىك زاتتاردى تاڭبالاۋ جانە قاداعالاۋ جۇيەسى تابىستى جۇمىس ىستەيدى جانە پرەپاراتتاردىڭ وندىرىلگەن نەمەسە ەلگە اكەلىنگەن ساتتەن باستاپ قالا تۇرعىندارىنا ساتىلعانعا دەيىنگى قوزعالىسىن ناقتى ۋاقىت رەجيمىندە باقىلاۋعا مۇمكىندىك بەرەدى.
ءدارىحانا مەڭگەرۋشىسى سۆەتلانا گاراجدىڭ ايتۋىنشا، جۇيەنى ەنگىزۋ ءۇشىن جاڭا جابدىقتار مەن باعدارلامالىق قامتاماسىز ەتۋدى ساتىپ الۋعا تۋرا كەلدى. فارماتسەۆتەر جاڭا جۇيەگە تەز ەنىپ كەتتى. ەندى ولار جالعان ءدارى-دارمەكتەر ءدارىحانا سورەلەرىندە پايدا بولمايتىنىنا سەنىمدى.
ءدارى-دارمەكتەردى تاڭبالاۋ جۇيەسى اقمولا كوپسالالى وبلىستىق اۋرۋحاناسىندا دا جۇمىس ىستەيدى. موب ديرەكتورى نۇرلان جاروۆتىڭ ايتۋىنشا، ول ستاتسيونارعا تۇسەتىن دارىلىك زاتتاردىڭ قاتاڭ ەسەبىن جۇرگىزۋگە كومەكتەسەدى. بۇدان باسقا، مەديتسينالىق ۇيىمنىڭ بارلىق 28 بولىمشەسىندە ءدارى-دارمەك ەرىتىندى تۇرىندە بولسا، پرەپاراتتاردىڭ قوزعالىسىن ءبىر تابلەتكاعا نەمەسە ميلليگراممعا دەيىن باقىلاۋعا مۇمكىندىك بەرەتىن گوسپيتالدىق فارماتسيا ءبولىمىنىڭ جوباسى ەنگىزىلدى.
«دارىگەردىڭ تاعايىنداۋى بويىنشا دارىلىك پرەپاراتتار ءار پاتسيەنتكە ستەريلدى تاڭبالانعان بوكستارعا سالىنىپ، پاتسيەنتتىڭ اتى-ءجونى، قابىلداۋ ۋاقىتى كورسەتىلەدى. قاتەلەر الىنىپ تاستالادى: ءار پاتسيەنت ەمدەۋشى دارىگەر تاعايىنداعان پرەپاراتپەن جانە بەلگىلى ءبىر دوزادا ەم الادى. ناتيجەسىندە پاتسيەنتتەر ساپالى ەم السا، ال مەديتسينالىق مەكەمە ۋاقىت ۇنەمدەيدى»، – دەپ ءتۇسىندىردى نۇرلان جاروۆ.
