2025 jyldan bastap Shyǵys Qazaqstan oblysyndaǵy kópbalaly analar avtobýspen tegin júre alady. Bul týraly ShQO jolaýshy kóligi jáne avtomobıl joldary basqarmasy basshysy orynbasarynyń mindetin atqarýshy Qýanysh Akramov aıtty, dep habarlaıdy “Adyrna” ulttyq portaly.
Aqparatqa sáıkes, qazir óńir boıynsha ondaı múmkindikke az qamtylǵan otbasylardan shyqqan balalar ıe. Ol úshin 178 mln teńgeden asa qarjy bólinip, jeńildikpen 5 312 bala qamtylǵan.
«Endi kelesi jyldan bastap «Altyn alqa», «Kúmis alqa», «Batyr ana», I jáne II dárejeli «Ana dańqy» ordenderimen marapattalǵan kópbalaly analar úshin qalaaralyq jáne aýdanaralyq qoǵamdyq kólikter tegin bolady. Oǵan qajetti qarajat jergilikti bıýdjetten bólinedi», – dedi ShQO jolaýshy kóligi jáne avtomobıl joldary basqarmasy basshysy orynbasarynyń mindetin atqarýshy Qýanysh Akramov.
Sondaı-aq ol «Óskemen-1» temirjol vokzalynyń kúrdeli jóndeýden ótetinin de atap ótti.
«Qazir jobalyq-smetalyq qujattama daıyndalyp jatyr. Sonyń aıasynda ǵımarat tolyqtaı jóndeledi. Sondaı-aq modernızaııalaý jumystary da josparlanyp otyr. Ondaǵy maqsat – vokzaldy múmkindigi shekteýli jandarǵa qolaıly etý», – deıdi ákimdik ókili.
