كومپوزيتور قالدىبەك قۇرمانالى جۇرەگىنەن تالما ۇستاپ، اۋرۋحانادا ەكەنى ايتىلدى، دەپ حابارلايدى "ادىرنا" ۇلتتىق پورتالى.
اقپاراتتى Alash.kz ۇلتتىق پورتالى جاريالادى.
تانىمال كومپوزيتوردىڭ قازىرگى جاعدايى تۋرالى قىزى ءانارۋ قالدىبەكقىزىنىڭ ادۆوكاتى ءلاززات احاتوۆا حانىم ءوزىنىڭ facebook پاراقشاسىندا ايتتى.
"قىزدىڭ اكەسى قالدىبەك اعا جۇرەگىنەن پريستۋپ بەرىپ، قازىر الماتىدا اۋرۋحانادا جاتىر. مەن دە تامىزدان بەرى اۋىرىپ جۇرگەم، سوڭىندا سۋىق وكپەمە ءوتىپ كەتىپ، شىمدا ەمحانادامىن. سوندا دا بايلانىستى ۇزبەي، ءىستى باقىلاۋدا ۇستاپ وتىرمىن. الماتىدا ءانتاي الىمبەكقىزى دەگەن تاعى ءبىر بىلىكتى ادۆوكات ارىپتەسىمىز ىسكە قوسىلدى. اكەسى اۋرۋحانادان شىققان سوڭ، باس پروكۋروردىڭ قابىلداۋىنا جازىلىپ، تەرگەۋدەگى جاعدايدى جەتكىزبەك. تاعى نە ايتايىن، سىزدەرگە؟",- دەپ جازدى ول پاراقشاسىنا.
ايتا كەتەيىك، كومپوزيتوردىڭ قىزى ءانارۋ قالدىبەكقىزى مەن تانىمال سپورتشىسى جانقوش تۇراروۆتىڭ جەكە قارىم-قاتىناسى جاريا بولىپ، ۇلكەن داۋ تۋعان ەدى.
