قىز زورلادى دەگەن قاۋەسەتكە قالعان قازاقستاندىق بوكسشى جانقوش تۇراروۆتىڭ ايەلى كلارا يسا كۇيەۋىنە تاعىلعان ايىپ تۋرالى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
"حابارلاسقاندا تەلەفون الۋعا شاماسى كەلمەي، ۋاقىت تاپپاي جۇرگەن «قۇربى-تانىستىڭ» ءبارى تۇننەن بەرى حابارلاسىپ، حال-جاعداي سۇراستى عوي بۇگىن. ءبارى دۇرىس، ۋايىمداماڭىزدار! ەل الدىندا جۇرگەن ادامدار تۋرالى نە ايتىلماي جاتىر؟" – دەپ جازدى جانقوشتىڭ جارى Instagram-داعى Stories-كە.
ەسكە سالا كەتسەك، الەۋمەتتىك جەلىدە تانىمال كاسىپقوي بوكسشى جانقوش تۇراروۆتىڭ قىز زورلادى دەگەن كۇدىككە ىلىنگەنى تۋرالى اقپارات پايدا بولدى. بۇعان قاتىستى الماتى قالالىق پوليتسيا دەپارتامەنتى پىكىر ءبىلدىردى.
"كەلىپ تۇسكەن ارىزعا بايلانىستى اۋەزوۆ اۋداندىق پوليتسيا باسقارماسى قىلمىستىق ءىس قوزعادى. سوت-مەديتسينالىق ساراپتاماسى تاعايىندالدى. قازىر وقيعانىڭ تولىق ءمان-جايىن انىقتاۋ ءۇشىن تەرگەۋ ءجۇرىپ جاتىر", – دەلىنگەن رەسمي اقپاراتتا.
سودان كەيىن جانقوش تۇراروۆ وزىنە جالا جابىلعانىن جانە ماسەلەنىڭ ءمان-جايىن انىقتايتىنىن ايتقان بولاتىن.
