الماتى ماڭىندا جەڭىل كولىك جاياۋ جۇرگىنشىنى قاعىپ كەتتى، دەپ حابارلايدى “ادىرنا” ۇلتتىق پورتالى.
Krisp_almaty دەرەگىنشە، قايعىلى وقيعا 10 قازان كۇنى تاڭەرتەڭ بولعان. الماتى ماڭىندا 20 جاستاعى جۇرگىزۋشى جاياۋ جۇرگىنشىلەر وتكەلىندە 60 جاستاعى ايەلدى قاعىپ كەتكەنى انىقتالدى. جول-كولىك اپاتى الماتى-بىشكەك تاس جولىنىڭ 19-شى شاقىرىمىندا، باكاد قيىلىسىنا جاقىن جەردە بولعان.
ايماققا قاراي كەلە جاتقان Toyota Camry كولىگى جاياۋ جۇرگىنشىلەر وتكەلىندە جولدى كەسىپ ءوتىپ بارا جاتقان جاياۋ جۇرگىنشىنى قاعىپ كەتكەن. ايەل العان جاراقاتىنان جەدەل جاردەم كەلگەنشە كوز جۇمدى.
وقيعا ورنىنا جەتكەن پوليتسەيلەر شەتەلدىك كولىكتىڭ جۇرگىزۋشىسىن قاماۋعا العان. قازىر جول اپاتىنا قاتىستى قىلمىستىق ءىس قوزعالىپ، تەرگەۋ امالدارى باستالدى.
ايتا كەتەيىك، كەشە الماتىدا اۆتوبۋس بەس جاستاعى بالانى قاعىپ كەتكەنى تۋرالى حابارلاعان ەدىك.
