الماتىدا اۆتوبۋس بەس جاستاعى بالانى قاعىپ كەتتى، دەپ حابارلايدى "ادىرنا" ۇلتتىق پورتالى.
قازىر تەرگەۋ ءجۇرىپ جاتىر.
الماتىدا اۆتوبۋس جاياۋ جۇرگىنشىلەر وتكەلىندە جولدى كەسىپ ءوتىپ بارا جاتقان كىشكەنتاي بالانى قاعىپ كەتتى.
وقيعا ورنىندا تۇسىرىلگەن ۆيدەو Telegram-داعى Almaty LIVE ارناسىندا پايدا بولعان.
«جول اپاتى الماتى قالاسىنىڭ بوستاندىق اۋدانىندا ساعات 14:05-تە بولدى. تيميريازەۆ كوشەسىمەن شىعىس باعىتتا كەلە جاتقان اۆتوبۋس ايمانوۆ كوشەسىمەن قيىلىستا جاياۋ جۇرگىنشىلەر وتكەلى ارقىلى ءوتىپ بارا جاتقان 5 جاسار بالانى سوعىپ كەتتى»، - دەپ حابارلادى الماتى قالاسىنىڭ پد.
