كاميليا دوسمالوۆا - پارا-تاەكۆوندودان حالىقارالىق دارەجەدەگى سپورت شەبەرى، ول پاريجدە وتكەن XVII جازعى پاراليمپيادا ويىندارىندا بەسىنشى ورىن الدى. الماتى اكىمىنىڭ ورىنباسارى بەيبىت شاحانوۆ سپورتشى مەن ونىڭ جەكە جاتتىقتىرۋشىسى ءانۋار ۇسەنوۆتى ەرىك-جىگەر مەن تاباندىلىقتىڭ ۇلگىسىن كورسەتكەندەرىن اتاپ ءوتىپ، تابىستى ونەر كورسەتۋىمەن قۇتتىقتادى.
كەزدەسۋ بارىسىندا بەيبىت شاحانوۆ كاميليا دوسمالوۆا مەن ونىڭ جاتتىقتىرۋشىسىنا پرەمەر-مينيستر ولجاس بەكتەنوۆتىڭ اتىنان العىس حاتتار تابىس ەتتى.
بەيبىت شاحانوۆ سونىمەن قاتار كاميليا دوسمالوۆاعا 2 ميلليون تەڭگەلىك اقشالاي سەرتيفيكات، ال ءانۋار ۇسەنوۆكە 1,5 ميلليون تەڭگەلىك سەرتيفيكاتتى تاپسىردى. سونىمەن قاتار، سپورتشىعا قىزمەتتىك باسپانا بەرىلدى.
«بىزگە قولداۋ كورسەتكەن بارلىق قازاقستاندىقتارعا، سونداي-اق الماتى اكىمدىگىنە زور العىسىمدى بىلدىرەمىن. بۇل قولداۋ مەنىڭ بولاشاق جەتىستىكتەرىمە نەگىز بولادى»، - دەدى كاميليا دوسمالوۆا.
وتكەن پاراليمپيادادا قازاقستان قۇراماسى رەكوردتىق توعىز مەدال جەڭىپ الدى، ونىڭ ىشىندە 2 التىن، 3 كۇمىس جانە 4 قولا.
