ۇلىتاۋ وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا تالاپ قويۋشى «جەزقازعان قالاسىنىڭ ءبىلىم ءبولىمى» مم-نىڭ جاۋاپكەرلەر م. جانە چ.-عا قويعان اتا-انالىق قۇقىقتارىنان ايىرۋ تۋرالى تالابى بويىنشا ازاماتتىق ءىس قارالدى.
سوتتا انىقتالعانداي، جاۋاپكەرلەر 2013 جىلى تۋعان كامەلەتكە تولماعان د.-نىڭ اتا-اناسى بولا تۇرا، 2017 جىلدان باستاپ وسى كۇنگە دەيىن وزدەرىنىڭ بالانى تاربيەلەۋ جانە اسىراۋ جونىندەگى اتا-انالىق مىندەتتەرىن ورىنداماعان. بالا 3 جاسىنان باستاپ جاۋاپكەر چ.-نىڭ تۋىسى بولىپ كەلەتىن ب.-نىڭ تاربيەسىندە بولعان.
سوت وتىرىسىندا جاۋاپكەر م. تالاپپەن كەلىستى، ال سوتتىڭ كۇنى مەن ۋاقىتى تۋرالى ءتيىستى تۇردە حاباردار بولعان جاۋاپكەر چ. وعان قاتىسپادى، سوتقا كەلمەۋىنىڭ دالەلدى سەبەپتەرى تۋرالى ەش قۇجات سوتقا ۇسىنبادى.
سوت شەشىمىمەن تالاپ قويۋ قاناعاتتاندىرىلىپ، جاۋاپكەرلەر م. جانە چ. كامەلەتكە تولماعان د.-عا قاتىستى اتا-انالىق قۇقىقتارىنان ايىرىلدى جانە بالا كامەلەتكە تولعانشا دەيىن جاۋاپكەرلەردەن بالانى كۇتىپ-باعۋعا ولاردىڭ بارلىق تابىستارىنىڭ ¼ بولىگى مولشەرىندە اي سايىنعى اليمەنت ءوندىرىلدى.
سوت شەشىمى زاڭدى كۇشىنە ەنگەن جوق.
