Ulytaý oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynda talap qoıýshy «Jezqazǵan qalasynyń bilim bólimi» MM-nyń jaýapkerler M. jáne Ch.-ǵa qoıǵan ata-analyq quqyqtarynan aıyrý týraly talaby boıynsha azamattyq is qaraldy.
Sotta anyqtalǵandaı, jaýapkerler 2013 jyly týǵan kámeletke tolmaǵan D.-nyń ata-anasy bola tura, 2017 jyldan bastap osy kúnge deıin ózderiniń balany tárbıeleý jáne asyraý jónindegi ata-analyq mindetterin oryndamaǵan. Bala 3 jasynan bastap jaýapker Ch.-nyń týysy bolyp keletin B.-nyń tárbıesinde bolǵan.
Sot otyrysynda jaýapker M. talappen kelisti, al sottyń kúni men ýaqyty týraly tıisti túrde habardar bolǵan jaýapker Ch. oǵan qatyspady, sotqa kelmeýiniń dáleldi sebepteri týraly esh qujat sotqa usynbady.
Sot sheshimimen talap qoıý qanaǵattandyrylyp, jaýapkerler M. jáne Ch. kámeletke tolmaǵan D.-ǵa qatysty ata-analyq quqyqtarynan aıyryldy jáne bala kámeletke tolǵansha deıin jaýapkerlerden balany kútip-baǵýǵa olardyń barlyq tabystarynyń ¼ bóligi mólsherinde aı saıynǵy alıment óndirildi.
Sot sheshimi zańdy kúshine engen joq.
