بۇگىن، 7 قازان كۇنى رەسەي استاناسى ماسكەۋدە تمد ەلدەرى باسشىلارىنىڭ كەزەكتى كەڭەسى وتەدى. كوشباسشىلار تمد شەڭبەرىندەگى ءوزارا ءىس-قيمىل تۋرالى پىكىر الماسىپ، 2025 جىلى ۇيىمعا كىمنىڭ توراعالىق ەتەتىنىن انىقتايدى، دەپ حابارلايدى «ادىرنا» ءتىلشىسى 24.kg-گە سىلتەمە جاساپ.
سونداي-اق مەملەكەت باسشىلارى الداعى 3 جىلعا دوستاستىقتىڭ مادەني استانالارىن جاريالاۋ تۋرالى شەشىمگە قول قويىپ، قۇقىقتىق ءوزارا ءىس-قيمىل مەن قاۋىپسىزدىكتى قامتاماسىز ەتۋگە قاتىستى بىرقاتار قۇجاتقا تۇزەتۋ ەنگىزبەك.
بۇل كەزدەسۋ رەسەي پرەزيدەنتى ۆلاديمير ءپۋتيننىڭ تۋعان كۇنىمەن تۇسپا-تۇس كەلىپ وتىر. بۇگىن كورشى ەل باسشىسى 72 جاسقا تولدى. ازىرگە تاجىكستان، قىرعىزستان جانە وزبەكستان پرەزيدەنتتەرى ماسكەۋگە بارعاندارىن راستادى. سونداي-اق كەزدەسۋگە قازاقستان، ءازىربايجان، تۇرىكمەنستان، ارمەنيا مەن بەلارۋس باسشىلارى دا قاتىسادى دەپ كۇتىلىپ وتىر.
