قاراعاندى وبلىسىنداعى دالا ءورتىن ءسوندىرۋ كەزىندە تجد قىزمەتكەرى حالي حايرات قازا تاپتى. قايعىلى وقيعا 6 قازاندا بولعان، دەپ حابارلايدى «ادىرنا» ءتىلشىسى.
«قىزمەتتىك مىندەتىن اتقارۋ كەزىندە 24-ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى قازا تاپتى. سەرجانت ازاماتتىق قورعاۋ ورگاندارىندا 2014 جىلدان باستاپ جۇمىس ىستەگەن. وقيعانىڭ ءمان-جايى انىقتالۋدا. سوتقا دەيىنگى تەرگەۋ باستالدى،—دەلىنگەن حابارلامادا.
توتەنشە جاعدايلار مينيسترلىگى قازا تاپقان ءورت ءسوندىرۋشىنىڭ وتباسىنا جان-جاقتى كومەك پەن قولداۋ كورسەتەتىنىن اتاپ ءوتتى.
ەسكە سالايىق، 6 قازاندا قاراعاندى وبلىسى قارقارالى اۋدانى قوياندى اۋىلىنىڭ ماڭىندا قۇرعاق ءشوپ ورتەنىپ كەتكەن ەدى. ءورت ورنىنا ورمان شارۋاشىلىعىنىڭ، تجد كۇشتەرى مەن قۇرالدارى جانە ەرىكتى ورتكە قارسى قۇرالىمدار دەرەۋ جىبەرىلدى.
