Qaraǧandy oblysyndaǧy dala örtın söndıru kezınde TJD qyzmetkerı Hali Hairat qaza tapty. Qaiǧyly oqiǧa 6 qazanda bolǧan, dep habarlaidy «Adyrna» tılşısı.
«Qyzmettık mındetın atqaru kezınde 24-ört söndıru bölımınıŋ aǧa ört söndıruşı-qūtqaruşysy qaza tapty. Serjant azamattyq qorǧau organdarynda 2014 jyldan bastap jūmys ıstegen. Oqiǧanyŋ män-jaiy anyqtaluda. Sotqa deiıngı tergeu bastaldy,—delıngen habarlamada.
Tötenşe jaǧdailar ministrlıgı qaza tapqan ört söndıruşınıŋ otbasyna jan-jaqty kömek pen qoldau körsetetının atap öttı.
Eske salaiyq, 6 qazanda Qaraǧandy oblysy Qarqaraly audany Qoiandy auylynyŋ maŋynda qūrǧaq şöp örtenıp ketken edı. Ört ornyna orman şaruaşylyǧynyŋ, TJD küşterı men qūraldary jäne erıktı örtke qarsy qūralymdar dereu jıberıldı.
