Қарағанды облысындағы дала өртін сөндіру кезінде ТЖД қызметкері Хали Хайрат қаза тапты. Қайғылы оқиға 6 қазанда болған, деп хабарлайды «Адырна» тілшісі.
«Қызметтік міндетін атқару кезінде 24-өрт сөндіру бөлімінің аға өрт сөндіруші-құтқарушысы қаза тапты. Сержант азаматтық қорғау органдарында 2014 жылдан бастап жұмыс істеген. Оқиғаның мән-жайы анықталуда. Сотқа дейінгі тергеу басталды,—делінген хабарламада.
Төтенше жағдайлар министрлігі қаза тапқан өрт сөндірушінің отбасына жан-жақты көмек пен қолдау көрсететінін атап өтті.
Еске салайық, 6 қазанда Қарағанды облысы Қарқаралы ауданы Қоянды ауылының маңында құрғақ шөп өртеніп кеткен еді. Өрт орнына орман шаруашылығының, ТЖД күштері мен құралдары және ерікті өртке қарсы құралымдар дереу жіберілді.
