ءانشى قازاقستان رەسپۋبليكاسىنىڭ حالىق ءارتىسى نۇرعالي ءنۇسىپجانوۆ ۇيلەندى، - دەپ حابارلايدى Tengrinews.kz ءتىلشىسى. بۇل تۋرالى قۋاندىق ەشمەت ەسىمدى ازامات Instagram جەلىسىندەگى پاراقشاسىندا حابارلاعان. ونىڭ ايتۋىنشا، توي كەشە، 26 تامىزدا الماتى قالاسىندا وتكەن. "قازاقستان رەسپۋبليكاسىنىڭ حالىق ءارتىسى، مەملەكەتتىك سىيلىقتىڭ، قازاقستان جاستار وداعى سىيلىعىنىڭ، قىرعىزدىڭ ابىلاس مولداباەۆ اتىنداعى حالىقارالىق سىيلىقتارىنىڭ لاۋرەاتى، وزبەكستان رەسپۋبليكاسىنىڭ ەڭبەك سىڭىرگەن مادەنيەت قىزمەتكەرى نۇرعالي ءنۇسىپجانوۆ اعامىز 26 تامىز كۇنى وتاۋ تىكتى قۇتتى بولسىن!", - دەپ جازعان قۋاندىق ەشمەت.
پاراقشانىڭ يەسى "قۇرمەتتى قازاق ەلى! جەڭگەمىز قۇتتى بولسىن!" دەپ نۇرعالي ءنۇسىپجانوۆ پەن جادىرا ەسىمى جازىلعان باننەردىڭ الدىندا تۇرعان جۇبايلاردىڭ سۋرەتىن سالعان. "نۇرعالي اعامىزدى جاقسى تانيمىز عوي. ول راستالعان اقپارات. مەن ءوزىم ول تويعا بارا الماي قالدىم. كەرەك دەسەڭىز ۆيدەوسىن دا جاريالاي الامىن", - دەپ ناقتىلادى مالىمەت قۋاندىق ەشمەت Tengrinews.kz تىلشىسىنە تەلەفون ارقىلى.
نۇرعالي ءنۇسىپجانوۆ - 1937 جىلى 5 قاڭتاردا تالدىقورعان وبلىسىنىڭ گۆارديا اۋدانىنداعى كۇرەڭبەلدىڭ (التىنەمەل) جانىنداعى دولانالى اۋىلىندا تۋعان. ول - قازاقستاننىڭ حالىق ءارتىسى. قازاقستاننىڭ مەملەكەتتىك سىيلىعىنىڭ لاۋرەاتى. پاراسات، قۇرمەت وردەندەرىنىڭ يەگەرى. حالىققا كە تاراعان ء"وز ەلىم", "سارىجايلاۋ", "الاتاۋ" اندەرىن ايتقان.
"ادىرنا" ۇلتتىق پورتالى
