قازاقستاننىڭ تۇڭعىش پرەزيدەنتى نۇرسۇلتان نازارباەۆ قازاقستاندا اەس سالۋ ماسەلەسى بويىنشا رەفەرەندۋماد داۋىس بەردى، دەپ حابارلايدى «ادىرنا» ۇلتتىق پورتالى.
بۇرىنعى مەملەكەت باسشىسى «استانا وپەرا» تەاترىندا ورنالاسقان 256-سايلاۋ ۋچاسكەسىندە داۋىس بەردى. داۋىس بەرۋ كەزىندە الىس تۇرعان جۋرناليستەر ء"سىز قازاقستاندا ءجۇرىپ جاتىرسىز با؟" "اەس تۋرالى پىكىرىڭىز قالاي؟" دەپ سۇراعان.
ول بار بولعانى «باقىتتى بولىڭدار! تابىستى بولىڭدار!»، - دەگەن جۋرناليستەرگە. ەكس-پرەزيدەنت ءۇشىن زالعا ميكروفون قويۋ قاراستىرىلماعان.
جۋرناليستەردىڭ ەكس-پرەزيدەنتكە سۇراق قويماق بولعان ارەكەتى جاۋاپسىز قالدى. بۇرىنعى باسشىمەن ىلەسىپ جۇرگەن ءباسپاسوز حاتشىسى ايدوس ۇكىباي جۋرناليستەر الدىندا ەكس-پرەزيدەنتتىڭ كومەكشىسى عانا سياقتى اسەر قالدىرعان.
داۋىس بەرىپ بولعان سوڭ نازارباەۆ كوپ بوگەلمەي تەرىس اينالىپ جۇرە بەردى. ونى قورعاۋشىلارى قاۋمالاپ جۇرگەنى بايقالدى.
ۇقساس جاڭالىقتار
