فوتوسۋرەتشى سامات قۇسايىنوۆتىڭ كورمەسى انادولىدا اشىلدى، دەپ حابارلايدى "ادىرنا" ۇلتتىق پورتالى.
3 قازان — تۇركى مەملەكەتتەرىنىڭ ىنتىماقتاستىق كۇنىنە وراي Anadolu Medeniyetleri Müzesi-دە سامات قۇسايىنوۆتىڭ فوتوسۋرەت كورمەسى اشىلىپ جاتىر. بۇل تۋرالى ەستاي بوجان جەلىدەگى پاراقشاسىندا جاريالادى.
"انادولى جۇرتىندا سامات اعانىڭ فوتو كورمەسى بۇگىن ءساتتى اشىلىپتى. قۇتتى بولسىن، سامات اعا!
فوتو ءتىلى دەگەن دە ءبىر عاجاپ ءتىل ادام ءوزى ۋاقىت، كەڭىستىك جانە ماتەريانىڭ الەمىندە عوي. فوتوگرافتىڭ كوزى ءبىر قۇبىلىستىڭ قاي ۋاقىتتا، قاي كەڭىستىكتە ءتۇسىرىلۋىن وزگە ادامداردان كورى ءدال ولشەپ تاباتىن بولسا كەرەك. قالت ەتكەن قاس قاعىم ساتتەگى ءىس-قيمىلداردان تەڭدەسسىز تەرەڭ ماعىنا تۋدىراتىن فوتوگرافيا راسىندا عاجاپ ونەر.
تىلشىلىكتىڭ تىرشىلىگىندە سامات اعامەن تالاي ساپارلاس بولدىم. قۇبىلىستىڭ ءمانىن ايشىقتايتىن قيمىل-قوزعالىستى تۇسىرۋدە "مەرگەن" اتى بار. بيىل 50 جاس مەرەي تويى اتالىپ جاتىر. وتكەندە عانا تۋعان ەلىندە شىعارماشىلىق كەزدەسۋىن، كورمەسىن بەرىپ قايتقان ەدى. ەندى مىنە سامات اعانىڭ اپپاراتىنا ىلىنگەن تۋىندىلار انادولى جۇرتىندا كورمە بوپ اشىلىپ، تۇرىكتەرگە "ۇلى دالانىڭ سالت-ءداستۇرىن" سۋرەتتتەپ جاتىر.
بۇل ءوزى ۇجىم ءۇشىن دە ۇلكەن ماقتانىش. كورمەنى "الاتاۋ اقپارات" حولدينگى مەن "تۇرىكسوي" بىرلەسىپ وتكىزىپ جاتىر", - دەپ جازدى .
