قازاقستاندىق اۋەكومپانيالارعا يراننىڭ اۋە كەڭىستىگىن اينالىپ ءوتۋ ۇسىنىلدى، دەپ حابارلايدى «ادىرنا» ۇلتتىق پورتالى.
سەيسەنبىدە يران، يزرايل، يوردانيا، يراكتىڭ جانە ايماقتىڭ باسقا ەلدەرىنىڭ ۇستىنەن وتەتىن رەيستەردى بيلىك توقتاتتى، بۇل اۋەكومپانيالاردى دەرەۋ ارەكەت ەتۋگە جانە رەيستەرىنىڭ باعىتىن وزگەرتۋگە ءماجبۇر ەتتى. كولىك مينيسترلىگى بۇل جاعدايعا قاتىستى پىكىر ءبىلدىردى.
«تاياۋ شىعىستاعى جاعدايدىڭ شيەلەنىسۋىنە بايلانىستى قازاقستاندىق اۋەكومپانيالارعا يراننىڭ اۋە كەڭىستىگىن اينالىپ وتۋگە نەمەسە بالامالى باعىتتاردى تاڭداۋعا، سونداي-اق ءتيىستى وڭىردە ۇشۋ بويىنشا بۇرىن جولدانعان نۇسقاۋلار مەن ۇسىنىمداردى باسشىلىققا الۋعا ۇسىنىلادى»، - دەدى كولىك مينيسترلىگىنىڭ رەسمي وكىلى ءلاززات ستامعازيەۆا.
