Qazaqstandyq áýekompanııalarǵa Irannyń áýe keńistigin aınalyp ótý usynyldy, dep habarlaıdy «Adyrna» ulttyq portaly.
Seısenbide Iran, Izraıl, Iordanııa, Iraktyń jáne aımaqtyń basqa elderiniń ústinen ótetin reısterdi bılik toqtatty, bul áýekompanııalardy dereý áreket etýge jáne reısteriniń baǵytyn ózgertýge májbúr etti. Kólik mınıstrligi bul jaǵdaıǵa qatysty pikir bildirdi.
«Taıaý Shyǵystaǵy jaǵdaıdyń shıelenisýine baılanysty qazaqstandyq áýekompanııalarǵa Irannyń áýe keńistigin aınalyp ótýge nemese balamaly baǵyttardy tańdaýǵa, sondaı-aq tıisti óńirde ushý boıynsha buryn joldanǵan nusqaýlar men usynymdardy basshylyqqa alýǵa usynylady», - dedi Kólik mınıstrliginiń resmı ókili Lázzat Stamǵazıeva.
