قىزىلوردادا انتيكور قىزمەتكەرىنە 1 ميلليون تەڭگە كولەمىندە پارا بەرمەك بولعان يمام قىزمەتىنەن كەتتى، دەپ حابارلايدى «ادىرنا» ءتىلشىسى.
«ىبىراي مولدا مەشىتىنىڭ يمامى نۇرمان تالعات نۇرمانۇلى قمدب-نىڭ قاۋلىسىمەن سىبايلاس جەمقورلىق قىلمىسىن جاساعانى ءۇشىن كىنالى دەپ تانىلىپ، وڭالتۋعا جاتپايتىن نەگىزدەر بويىنشا قىلمىستىق جاۋاپكەرشىلىكتەن بوساتىلۋىنا بايلانىستى قىزمەتىنەن بوساتىلدى. نۇرماننىڭ قمدب جۇيەسىنەن بوساتىلعاننان كەيىنگى جۇمىس ورنى مەن قىزمەتى تۋرالى بىزدە مالىمەت جوق»، - دەپ ءتۇسىندىردى قازاقستان مۇسىلماندارى ءدىني باسقارماسى.
ايتا كەتەيىك، يمام پارا بەرۋ ارقىلى «دەسترۋكتيۆتى ءدىني اعىمدى جاقتاۋشىلاردان اقشا الادى جانە ەكى ايەلى بار» دەگەن سىبىستان قۇتىلماق بولعان.
