بەلگىلى قازاقستاندىق كومپوزيتور كانادا قالاسىندا كوز جۇمدى، دەپ حابارلايدى “ادىرنا” ۇلتتىق پورتالى. بۇل تۋرالى ونىڭ دوستارى الەۋمەتتىك جەلىدە ەستىرتتى.
قازاقستاندىق جۋرناليست المات ازادي Facebook پاراقشاسىندا قوشتاسۋ جازباسىن جاريالادى.
"كانادادان قايعىلى حابار كەلدى. دوسىمىز، اسىل اعامىز ءادىل قايتىس بولدى. ە-ە، ءادىل، سەن ماعان دايىنداپ، سىيعا تارتۋ مۇمكىندىگىن كۇتىپ جۇرگەن Bee Gees ديسكىسىن ەشقاشان الا المايتىنىم وكىنىشتى. ەندى سەن ەكەۋمىز 80-90-شى جىلدارداعىداي ءان جازبايمىز، سەن وتە كوپ نارسە جاسادىڭ، مۇرا قالدىردىڭ...» دەپ جازدى ول.
ءادىل بەستىباەۆ 1959 جىلى 15 تامىزدا الماتىدا دۇنيەگە كەلگەن. تانىمال قازاقستاندىق كومپوزيتور، كوپتەگەن حالىقارالىق مۋزىكا فەستيۆالدەرىنىڭ قاتىسۋشىسى.
ول ۇلتتىق ءداستۇر مەن زاماناۋي كومپوزيتورلىق تەحنيكاسىن بىرىكتىرىپ، قازاق مادەنيەتىنىڭ ەلەمەنتتەرى مەن ەۋروپالىق ستيلدەردى سينتەزدەگەن.
بەستىباەۆتىڭ تانىمال شىعارمالارىنىڭ قاتارىنا "ازيا داۋىسى", "بايتەرەك" بالەتى، ء"تاڭىرى قۇربانى" سيمفونياسى جانە "نياگارا" سەكىلدى تۋىندىلارى كىرەدى. ونىڭ مۋزىكالارى اۋستريا، اقش، فرانتسيا، گەرمانيا سياقتى كوپتەگەن مەملەكەتتەردە ورىندالىپ، كەڭ تانىمالدىققا يە بولدى.
