Belgili qazaqstandyq kompozıtor Kanada qalasynda kóz jumdy, dep habarlaıdy “Adyrna” ulttyq portaly. Bul týraly onyń dostary áleýmettik jelide estirtti.
Qazaqstandyq jýrnalıst Almat Azadı Facebook paraqshasynda qoshtasý jazbasyn jarııalady.
"Kanadadan qaıǵyly habar keldi. Dosymyz, asyl aǵamyz Ádil qaıtys boldy. E-e, Ádil, sen maǵan daıyndap, syıǵa tartý múmkindigin kútip júrgen Bee Gees dıskisin eshqashan ala almaıtynym ókinishti. Endi sen ekeýmiz 80-90-shy jyldardaǵydaı án jazbaımyz, sen óte kóp nárse jasadyń, mura qaldyrdyń...» dep jazdy ol.
Ádil Bestibaev 1959 jyly 15 tamyzda Almatyda dúnıege kelgen. Tanymal qazaqstandyq kompozıtor, kóptegen halyqaralyq mýzyka festıvalderiniń qatysýshysy.
Ol ulttyq dástúr men zamanaýı kompozıtorlyq tehnıkasyn biriktirip, qazaq mádenıetiniń elementteri men eýropalyq stılderdi sıntezdegen.
Bestibaevtyń tanymal shyǵarmalarynyń qataryna "Azııa daýysy", "Báıterek" baleti, "Táńiri qurbany" sımfonııasy jáne "Nıagara" sekildi týyndylary kiredi. Onyń mýzykalary Aýstrııa, AQSh, Franııa, Germanııa sııaqty kóptegen memleketterde oryndalyp, keń tanymaldyqqa ıe boldy.
