جامبىل وبلىسى قورداي اۋداندىق سوتى قىزمەتتىك قارۋدان وق اتقان اسكەري قىزمەتكەرگە قاتىستى اكىمشىلىك ءىستى قارادى، - دەپ حابارلايدى “ادىرنا” ۇلتتىق پورتالى سوتتىڭ ءباسپاسوز قىزمەتىنە سىلتەمە جاساپ.
ءىس ماتەريالدارىنان انىقتالعانداي، اعىمداعى جىلدىڭ مامىر ايىندا كىشى سەرجانت جارعىلىق ەرەجەلەر مەن بولىمشە كومانديرىنىڭ بۇيرىعىن بۇزا وتىرىپ، باقىلاۋ-وتكىزۋ پۋنكتىندە تاۋلىكتىك كەزەكشىلىكتى اتقارۋ كەزىندە قارۋىن قابىنان الىپ شىعىپ، وق اتقان.
سوتتا قۇقىق بۇزۋشى ءوز كىناسىن تولىعىمەن مويىنداپ، ماتەريالدىق قيىندىقتارعا بايلانىستى ايىپپۇلدى تولەي المايتىندىقتان، قاماۋعا الۋدى سۇرادى.
اسكەري قىزمەتشىنىڭ جازاسى 25 اەك (2024 جىلى 92 300 تەڭگە) كولەمىندە ايىپپۇل سالۋ نەمەسە 15 تاۋلىككە دەيىن اكىمشىلىك قاماققا الۋدى قامتىدى. سوت شەشىمىمەن اسكەري قىزمەتكەر كىنالى دەپ تانىلىپ، بەس تاۋلىككە قاماۋعا الىندى.
«ول جازاسىن وتەۋ ءۇشىن الماتى وبلىستىق گارنيزونى اسكەري پوليتسيا باسقارماسىنىڭ گاۋپتۆاحتاسىنا جىبەرىلدى»، - دەپ حابارلادى سوت.
