Jambyl oblysy Qordaı aýdandyq soty qyzmettik qarýdan oq atqan áskerı qyzmetkerge qatysty ákimshilik isti qarady, - dep habarlaıdy “Adyrna” ulttyq portaly sottyń baspasóz qyzmetine silteme jasap.
Is materıaldarynan anyqtalǵandaı, aǵymdaǵy jyldyń mamyr aıynda kishi serjant jarǵylyq erejeler men bólimshe komandıriniń buıryǵyn buza otyryp, baqylaý-ótkizý pýnktinde táýliktik kezekshilikti atqarý kezinde qarýyn qabynan alyp shyǵyp, oq atqan.
Sotta quqyq buzýshy óz kinásin tolyǵymen moıyndap, materıaldyq qıyndyqtarǵa baılanysty aıyppuldy tóleı almaıtyndyqtan, qamaýǵa alýdy surady.
Áskerı qyzmetshiniń jazasy 25 AEK (2024 jyly 92 300 teńge) kóleminde aıyppul salý nemese 15 táýlikke deıin ákimshilik qamaqqa alýdy qamtydy. Sot sheshimimen áskerı qyzmetker kináli dep tanylyp, bes táýlikke qamaýǵa alyndy.
«Ol jazasyn óteý úshin Almaty oblystyq garnızony áskerı polıııa basqarmasynyń gaýptvahtasyna jiberildi», - dep habarlady sot.
