Jambyl oblysy Qordai audandyq soty qyzmettık qarudan oq atqan äskeri qyzmetkerge qatysty äkımşılık ıstı qarady, - dep habarlaidy “Adyrna” ūlttyq portaly sottyŋ baspasöz qyzmetıne sılteme jasap.
Is materialdarynan anyqtalǧandai, aǧymdaǧy jyldyŋ mamyr aiynda kışı serjant jarǧylyq erejeler men bölımşe komandirınıŋ būiryǧyn būza otyryp, baqylau-ötkızu punktınde täulıktık kezekşılıktı atqaru kezınde qaruyn qabynan alyp şyǧyp, oq atqan.
Sotta qūqyq būzuşy öz kınäsın tolyǧymen moiyndap, materialdyq qiyndyqtarǧa bailanysty aiyppūldy tölei almaityndyqtan, qamauǧa aludy sūrady.
Äskeri qyzmetşınıŋ jazasy 25 AEK (2024 jyly 92 300 teŋge) kölemınde aiyppūl salu nemese 15 täulıkke deiın äkımşılık qamaqqa aludy qamtydy. Sot şeşımımen äskeri qyzmetker kınälı dep tanylyp, bes täulıkke qamauǧa alyndy.
«Ol jazasyn öteu üşın Almaty oblystyq garnizony äskeri polisiia basqarmasynyŋ gauptvahtasyna jıberıldı», - dep habarlady sot.
Ūqsas jaŋalyqtar
