ەلىمىزدە جەدەل جاردەم قىزمەتىنىڭ جۇمىسى وزگەرمەك، دەپ حابارلايدى "ادىرنا" ۇلتتىق پورتالى.
ناقتىراق ايتساق، 4-ساناتتاعى شاقىرتۋلارعا تاۋلىك بويى قىزمەت كورسەتۋدى توقتاتۋى مۇمكىن.
ال قۇجات اشىق نقا-دا جاريالانعان.
"دەنساۋلىق ساقتاۋ مينيسترلىگى 4-ساناتتاعى شاقىرتۋلارعا جەدەل جاردەم قىزمەتى جۇمىس كۇندەرى تاڭعى ساعات 8:00-دەن كەشكى ساعات 18:00 بارادى، ال سەنبىدە تاڭعى 8:00-دەن 12:00-گە دەيىن قىزمەت كورسەتەدى", – دەپ جازىلعان قۇجاتتىڭ جوباسىندا.
دەنساۋلىق ساقتاۋ مينيسترلىگى:
"قارجىلاندىرۋ جەتكىلىكسىز بولعاندىقتان تاۋلىك بويى جۇمىس ىستەيتىن بريگادالاردى ۇستاۋ ءتيىمسىز، بۇل كرەديتورلىق بەرەشەكتىڭ پايدا بولۋىنا اكەلەدى", – دەپ جازىلعان قۇجاتتىڭ جوباسىندا.
وسىلايشا، مينيسترلىك جەدەل جاردەمدى شاقىرتۋ ۋاقىتىنا وزگەرىس ەنگىزۋدى جوسپارلاپ وتىر. وزگەرىس قولداۋ تاپسا، 4-ساناتتاعى شاقىرتۋعا ماماندار قوڭىراۋ تۇسكەن ساتتەن باستاپ 120 مينۋت ىشىندە بارۋى شارت.