Elimizde jedel járdem qyzmetiniń jumysy ózgermek, dep habarlaıdy "Adyrna" ulttyq portaly.
Naqtyraq aıtsaq, 4-sanattaǵy shaqyrtýlarǵa táýlik boıy qyzmet kórsetýdi toqtatýy múmkin.
Al qujat Ashyq NQA-da jarııalanǵan.
"Densaýlyq saqtaý mınıstrligi 4-sanattaǵy shaqyrtýlarǵa jedel járdem qyzmeti jumys kúnderi tańǵy saǵat 8:00-den keshki saǵat 18:00 barady, al senbide tańǵy 8:00-den 12:00-ge deıin qyzmet kórsetedi", – dep jazylǵan qujattyń jobasynda.
Densaýlyq saqtaý mınıstrligi:
"Qarjylandyrý jetkiliksiz bolǵandyqtan táýlik boıy jumys isteıtin brıgadalardy ustaý tıimsiz, bul kredıtorlyq bereshektiń paıda bolýyna ákeledi", – dep jazylǵan qujattyń jobasynda.
Osylaısha, mınıstrlik jedel járdemdi shaqyrtý ýaqytyna ózgeris engizýdi josparlap otyr. Ózgeris qoldaý tapsa, 4-sanattaǵy shaqyrtýǵa mamandar qońyraý túsken sátten bastap 120 mınýt ishinde barýy shart.
