جامبىل اۋدانى جارقىراپ، جايناي تۇسۋدە (فوتورەپ)

463

جامبىل وبلىسىنىڭ الەۋمەتتىك-ەكونوميكالىق الەۋەتى ارتىپ، تۇرعىنداردىڭ تۇرمىس دەڭگەيى كوتەرىلىپ جاتىر.  ماسەلەن ءوڭىردىڭ جامبىل اۋدانىندا جاڭادان زاۋىتتار ىسكە قوسىلىپ، حالىقتىڭ الەۋمەتتىك جاعدايى جاقسارىپ كەلەدى. سونداي-اق اۋداننىڭ اۋىل شارۋاشىلىق سالاسىندا اۋىز تولتىرىپ ايتار جەتىستىكتەر جەتەرلىك.

 

جامبىل اۋدانىندا جوبا قۇنى 1 725,0 ملن تەڭگە بولاتىن قۇرىلىس گيپسىن وندىرەتىن «كازۋپاكترەيد» جشس زاۋىت جۇمىس جاسايدى. زاۋىت جىلىنا 180 مىڭ. توننا نەمەسە تاۋلىگىنە 450-500 توننا قۇرىلىس گيپسىن جانە 100 مىڭ. تەكشە مەتر گيپسوكارتون وندىرەدى. بۇگىندە اتالعان زاۋىتتا 50 ادام ەڭبەك ەتىپ جاتىر.

 

 

جاڭا وقۋ جىلىندا اۋدانعا قاراستى اقباستاۋ اۋىلدىق وكرۋگىندە 140ورىندىق جاڭا مەكتەپ اشىلادى.

 

 

 

 

يندۋستريالدىق يننوۆاتسيالىق دامۋ مەملەكەتتىك باعدارلاماسى شەڭبەرىندە ايماقتىق يندۋستريالاندىرۋ كارتاسىنا ەنگىزىلگەن «اسا DAMU» جشس-ءنىڭ قۇس فابريكاسى جۇمىس ىستەيدى. جوبانىڭ جالپى قۇنى 2 ملرد. 550  ملن. تەڭگە بولاتىن فابريكادا 95 ادام ەڭبەك ەتىپ جاتىر.

 

 

 

قاراتوبە اۋىلدىق وكرۋگى «امانگەلدى» كووپەراتيۆىندە جوبا قۇنى 740 ملن. تەڭگە بولاتىن «Kaz Frults Line» جشس-ءنىڭ جەمىس-جيدەك ساقتايتىن قويماسى پايدالانۋعا بەرىلدى. 36 ادام جۇمىس ىستەيتىن قويمادا 2 مىڭ توننا الما،  2 مىڭ توننا كوكونىس ساقتالادى. جەمىس-جيدەكتىڭ ساپاسى جاقسى ءارى ونىڭ باعاسى نارىق باعاسىنان الدەقايدا تومەن بولادى.

 

 

شايقورىقتا اۋىلىندا «قاسفوسفات» جشس باس ديرەكتورى مۇقاش ەسكەندىروۆتىڭ دەمەۋشىلىگىمەن سپورت الاڭشاسى اشىلدى. ەڭبەك ارداگەرى ماناس ورازباەۆ اتىنداعى ۇزىندىعى 44, ال ەنى 24 مەتر بولاتىن سپورت الاڭشاسى بالالاردىڭ باس قوساتىن ورنىنا اينالدى.

 

 

 

جامبىل اۋدانىنىڭ تۇرعىنى ايجان وڭلاسىنوۆا «اۋىل شارۋاشىلىعىن قارجىلاي قولداۋ قورىنىڭ»  جامبىل وبلىسىنداعى فيليالىنان قوي شارۋاشلىعىن دامىتۋ ءۇشىن «سىباعا» باعدارلاماسى ارقىلى 12 ملن تەڭگە نەسيە الدى. اتالعان قارجىعا «ايجان» شارۋا قوجالىعى 360 باس ساۋلىق قوي، 12 باس قوشقار ساتىپ الدى.

 

 

 

جوسپار بويىنشا اۋدان ديحاندارى 1500 گەكتار جەرگە جۇگەرى ەگۋى كەرەك بولاتىن. الايدا شارۋالار 1672 گەكتارعا جۇگەرى ەگىپ، جوسپاردى 111,5 پايىزعا ارتىق ورىنداپ وتىر.

 

 

 

 

جامبىل اۋدانى اۋىل شارۋاشىلىعى ءبولىمى 2000 گەكتار جەرگە بيداي ەگۋدى جوسپارلاعان بولاتىن. الايدا ديحاندار 2 101 گەكتارعا بيداي ەگىپ، جوسپاردى 105,1 پايىزعا ارتىق ورىندادى. سونداي-اق 2000 گەكتار جەرگە كۇزدىك بيدايدى ەگۋدى جوسپارلاپ وتىر.

 

 

 

"ادىرنا"

ۇلتتىق پورتالى

پىكىرلەر