23-27 قىركۇيەك ارالىعىندا ەلىمىزدىڭ بارلىق مەكتەبىندە بالالاردىڭ قاۋىپسىزدىگىنە ارنالعان اتا-انالار جينالىسى وتەدى، دەپ حابارلايدى «ادىرنا» ءتىلشىسى.
وقۋ-اعارتۋ مينيسترلىگىنىڭ مالىمەتىنشە، ەينالىستا اتا-انالاردىڭ بالا ومىرىندەگى، سونداي-اق ونلاين كەڭىستىكتەگى قاۋىپسىزدىگىنە قاتىستى جاۋاپكەرشىلىگى تۋرالى ءسوز قوزعالادى.
«بالا قاۋىپسىزدىگى اتا-انا، پەداگوگ، ءاربىر ەرەسەك ادام ءۇشىن باسىمدىققا يە بولۋى ءتيىس. بالامەن اشىق ديالوگ قۇرۋ، ونىڭ ومىرىنە ۇدايى قاتىسىپ وتىرۋ، تسيفرلىق قۇرىلعىلاردى باقىلاۋ جانە بالامەن قاۋىپسىزدىك تاقىرىبىندا اڭگىمەلەسۋ - بۇل پروبلەمالاردىڭ الدىن الۋعا كومەكتەسەتىن نەگىزگى قادامدار. اتا-انالاردىڭ مىندەتى تەك بالانىڭ ءجۇرىس-تۇرىسىن باقىلاپ قانا قويماي، سونىمەن قاتار ءوز بالاسىمەن ونى ارقاشان تىڭداۋعا جانە كومەكتەسۋگە دايىن ەكەنىن بىلدىرەتىن سەنىمدى قارىم-قاتىناس قالىپتاستىرۋ. بالا ءبىزدىڭ بولاشاعىمىز، ولاردىڭ سالاماتتىلىعىن ساقتاۋ تىكەلەي بىزگە بايلانىستى»، - دەپ اتاپ ءوتتى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا.
ەستەرىڭىزگە سالا كەتەيىك، بيىلعى وقۋ جىلىنان باستاپ ءبىلىم بەرۋ ۇيىمدارىندا اپتا سايىن سىنىپ ساعاتتارى اياسىندا «قاۋىپسىزدىك ساباقتارى» وتۋدە.
