اقمولا وبلىسى ءبىلىم باسقارماسىنىڭ مالىمەتىنشە، قر پرەزيدەنتىنىڭ سايلاۋالدى باعدارلاماسىنا سايكەس 2021 جىلدان باستاپ وبلىستا جىل سايىن اۋىل مەكتەپتەرىن جاڭعىرتۋ جۇمىستارى جۇرگىزىلىپ كەلەدى. 2021-2025 جىلدارى وبلىستا جىل سايىن 94 مەكتەپتەن تۇراتىن 470 مەكتەپتى جاڭعىرتۋ جوسپارلانعان.
جاڭعىرتۋ اياسىندا مەكتەپ عيماراتتارى كۇردەلى جوندەۋدەن وتكىزىلىپ، كوركەم ادەبيەت پەن زاماناۋي وقۋ جابدىقتارى ساتىپ الىنىپ، پاندەر بويىنشا جاڭا موديفيكاتسيا كابينەتتەرى اشىلدى. ەسكىرگەن مەكتەپ جيھازى جاڭارتىلىپ، مەكتەپتەردىڭ قاۋىپسىزدىگىن قامتاماسىز ەتۋ جۇمىستارى جۇرگىزىلىپ جاتىر.
مىسالى، 2024 جىلى وبلىستا 420 ملن.تەڭگە سوماسىنا 51 جاڭا موديفيكاتسيا كابينەتى ساتىپ الىنىپ جابدىقتالدى، ونىڭ ىشىندە 9 بيولوگيا كابينەتى، 16 فيزيكا كابينەتى، 6 حيميا كابينەتى، 1 مۋلتيمەديالىق كابينەت، سونداي-اق 17 STEM كابينەتى جانە 2 روبوتوتەحنيكا كابينەتى. سونىمەن بىرگە جىل سايىن قالالىق جانە اۋىلدىق مەكتەپتەردىڭ پاندىك كابينەتتەرىنە ارنالعان جابدىقتاردى جاڭارتۋ جۇرگىزىلەدى.
«بيىل اقمولا وبلىسى جاقسى اۋدانىنىڭ مەكتەپتەرى ءۇشىن 8 مەكتەپ جيھازدارى ساتىپ الىندى. ال زاپوروجە اۋىلىنىڭ جالپى ءبىلىم بەرەتىن مەكتەبىنىڭ وقۋشىلارى ەندى جاڭا جابدىقتالعان فيزيكا كابينەتىندە وقيدى»، - دەپ ءبولىستى جاقسى اۋدانى ءبىلىم ءبولىمىنىڭ ماماندارى.
كابينەتتەر بيولوگيا، فيزيكا جانە حيميا بويىنشا زەرتحانالىق جۇمىستاردى جۇرگىزۋگە ارنالعان وقۋ جانە تەحنيكالىق قۇرالداردى قوسا العاندا، زاماناۋي ءبىلىم بەرۋ جابدىقتارىمەن جابدىقتالعان.
ءاربىر جاڭا وقۋ كابينەتىندە زاماناۋي پارتالار، شكافتار، دەمونستراتسيالىق ۇستەل، ينتەراكتيۆتى پانەل، كومپيۋتەر، مۋلتيمەديالىق زەرتحانا، جەلىلىك سۇزگى، گارنيتۋرا جانە مۇعالىم ءۇشىن دە، وقۋشىلار ءۇشىن دە ۇزدىكسىز قۋات كوزى بار. مۇنىڭ ءبارى مۇعالىمگە بالالارعا ساباقتاردى قىزىقتى جانە كرەاتيۆتى وتكىزۋگە كوپتەگەن مۇمكىندىكتەر بەرەدى.
قازىرگى ۋاقىتتا وبلىستىڭ 493 جالپى ءبىلىم بەرەتىن جانە نەگىزگى مەكتەپتەرى بيولوگيا، فيزيكا، حيميا، STEM جانە جۇمىس تەحنيكاسى بويىنشا 1100-دەن استام كابينەتتەرمەن قامتاماسىز ەتىلگەن.
