وڭتۇستىك كورەيادا قازاقستاندىق جىگىت جول-كولىك وقيعاسىنان كەيىن پوليتسيادان قاشىپ كەتكەن، دەپ حابارلايدى “ادىرنا” ۇلتتىق پورتالى.
«ازامات ا. بىزبەن بىرگە ءوز ەركىمەن كەلگەندىكتەن، وعان قاتىستى ەشقانداي فيزيكالىق شارا قولدانىلعان جوق. قازىرگى ۋاقىتتا قاشقىندى ىزدەستىرىپ جاتىرمىز»، - دەدى پوليتسيا.
پوليتسيانىڭ مالىمەتىنشە، جول اپاتى 20 قىركۇيەك كۇنى كەشكى ساعات 18:18-دە كيونگي پروۆينتسياسىنىڭ انسون قالاسىنداعى چونبۋ ەكسپرەسس جولىندا بولعان. 20 جاستاعى قازاقستان ازاماتى تىزگىندەگەن كولىك ونىڭ الدىندا كەلە جاتقان كولىكپەن سوقتىعىسقان دەپ حابارلاندى.
ايتۋىنشا، ساعات 21.20-دا قازاقستاندىق ازامات ساۋساق ءىزىن تانۋ قۇرىلعىسىمەن تەكسەرۋ كەزىندە پوليتسەيلەردى يتەرىپ جىبەرىپ، قاشىپ كەتكەن.
مالىمەتتەرگە سايكەس، قازاقستان ازاماتىنىڭ 2024 جىلدىڭ شىلدەسىنە دەيىن عانا وڭتۇستىك كورەيادا تۇرۋعا رۇقساتى بولعان.
ۇقساس جاڭالىقتار
