وڭتۇستىك كورەيادا 9 ناۋرىز كۇنى پرەزيدەنت سايلاۋى ءوتتى. وندا «ازاماتتىق كۇشتەردىڭ» كانديداتى يۋن سوك يول 48,56% داۋىس جيناپ، جەڭىسكە جەتتى، دەپ حابارلايدى “ادىرنا” ۇلتتىق پورتالى.
يۋن سوك يول انت قابىلداپ، كورەيا رەسپۋبليكاسىنىڭ پرەزيدەنتى قىزمەتىنە كىرىستى.
پرەزيدەنتتىڭ ۇلىقتاۋ ءراسىمى جوسپارلانعانداي جەرگىلىكتى ۋاقىت بويىنشا ساعات 11:00-دە (نۇر-سۇلتان ۋاقىتى بويىنشا 08:00) باستالدى.
سالتاناتتى ءىس-شاراعا 40 مىڭعا جۋىق ادام شاقىرىلدى.
يۋن سوك يول شتاب باستىقتارىنىڭ بىرىككەن كوميتەتىنىڭ وكىلدەرىمەن كەزدەسۋدەن كەيىن ءتۇن ورتاسىندا پرەزيدەنتتىك قىزمەتىن باستادى.
وڭتۇستىك كورەيادا پرەزيدەنت سايلاۋى 9 ناۋرىزدا ءوتتى. «ازاماتتىق كۇشتەردىڭ» كانديداتى يۋن سوك يول 48,56% داۋىس جيناپ جەڭىسكە جەتتى. ونىڭ باستى باسەكەلەسى بيلىكتەگى «توبۋرو» دەموكراتيالىق پارتياسىنان شىققان لي چجە ميون 47,83% داۋىس جينادى.
“ادىرنا” ۇلتتىق پورتالى
