استانادا دۇنيەجۇزىلىك تازالىق كۇنى اياسىندا ەكولوگيالىق اكتسيالار ءوتتى

بۇگىن – بۇكىل الەمدە دۇنيەجۇزىلىك تازالىق كۇنى (World Cleanup Day). وسىعان وراي، ەلوردادا «تازا قازاقستان. استانا – تازالىق پەن ءتارتىپ ۇلگىسى» ەكولوگيالىق اكتسياسى اياسىندا قر مادەنيەت مينيسترلىگى وكىلدەرىنىڭ قاتىسۋىمەن اۋقىمدى جالپىقالالىق سەنبىلىك ءوتتى. سونداي-اق، تالدىكول قالالىق جاعاجايىندا «كولدى ايالا» ەكولوگيالىق اكتسياسى ءوتتى. ءىس-شارانى «Birgemiz:Taza Alem» جالپىۇلتتىق جوباسى شەڭبەرىندە قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن «الەۋمەتتىك جوبالار قورى» كورپوراتيۆتىك قورى ۇيىمداستىردى. سەنبىلىككە قر مادەنيەت جانە اقپارات مينيسترلىگىنىڭ قىزمەتكەرلەرى، سونداي-اق رەسپۋبليكالىق جاستار جانە ۆولونتەرلىك ۇيىمداردىڭ وكىلدەرى قاتىستى. اكتسيا اياسىندا تالدىكول قالالىق جاعاجايىندا 100-گە تارتا ادامنىڭ قاتىسۋىمەن ءبىر تونناعا جۋىق قوقىس جينالدى.