Búgin – búkil álemde Dúnıejúzilik tazalyq kúni (World Cleanup Day). Osyǵan oraı, elordada «Taza Qazaqstan. Astana – tazalyq pen tártip úlgisi» ekologııalyq akııasy aıasynda QR Mádenıet mınıstrligi ókilderiniń qatysýymen aýqymdy jalpyqalalyq senbilik ótti.
Sondaı-aq, Taldykól qalalyq jaǵajaıynda «Kóldi aıala» ekologııalyq akııasy ótti. Is-sharany «Birgemiz:Taza Alem» jalpyulttyq jobasy sheńberinde Qazaqstan Respýblıkasy Mádenıet jáne aqparat mınıstrliginiń qoldaýymen «Áleýmettik jobalar qory» korporatıvtik qory uıymdastyrdy.
Senbilikke QR Mádenıet jáne aqparat mınıstrliginiń qyzmetkerleri, sondaı-aq respýblıkalyq jastar jáne volonterlik uıymdardyń ókilderi qatysty. Akııa aıasynda Taldykól qalalyq jaǵajaıynda 100-ge tarta adamnyń qatysýymen bir tonnaǵa jýyq qoqys jınaldy.
