اقمولا وبلىسى اكىمدىگىنىڭ قولداۋىمەن اقمولا وبلىسى مادەنيەت باسقارماسىنىڭ وبلىستىق حالىق شىعارماشىلىق جانە مادەني دەمالىس ورتالىعى اقمولا وبلىسىنىڭ 85 جىلدىعىنا، ءبىرجان سالدىڭ 190 جىلدىعىنا، بالۋان شولاقتىڭ 160 جىلدىعىنا جانە راقىمجان قوشقارباەۆ پەن كوكەن شاكەەۆتىڭ 100 جىلدىعىنا ارنالعان «جىگىت سۇلتانى» ايماقتىق بايقاۋىن وتكىزدى.
بايقاۋدىڭ باستى ماقساتى - ۇلتتىق تاربيە قۇندىلىقتارىن ناسيحاتتاۋ، وسكەلەڭ ۇرپاقتىڭ ۇلتجاندىلىق سەزىمىن ۇشتاۋ، ۇلتتىق رۋحتى ءسىڭىرۋ.
ەكى كەزەڭنەن تۇراتىن «جىگىت سۇلتانى» ايماقتىق بايقاۋىنا قاتىسۋشىلار ۇلى دالا سەرىلەرىنىڭ بويىنداعى قاسيەتتەرىن پاش ەتتى.
ايماقتىق بايقاۋعا اقمولا، پاۆلودار، سولتۇستىك قازاقستان وبلىستارىنان جانە قوسشى، كوكشەتاۋ قالالارىنان 20-30 جاس ارالىعىنداعى 13 جىگىت قاتىستى.
قاتىسۋشىلاردىڭ ونەرىن جانە شەبەرلىكتەرىن انىقتاۋ ءۇشىن مادەنيەت جانە سپورت سالاسى، زيالى قاۋىم وكىلدەرى اراسىنان قازىلار القاسى قۇرىلىپ، ءادىل باعالاندى.
«جىگىت سۇلتانى» ايماقتىق بايقاۋدىڭ باس جۇلدەسىن استانالىق ءالي ريزابەك جەڭىپ الدى.
زەرەندىلىك حامزا ايدىن «ونەرلى جىگىت» نوميناتسياسىمەن، تاتتىمبەك ايبەك (ەگىندىكول اۋدانى) «بىلەكتى جىگىت» نوميناتسياسىمەن، ساناح ەركەبۇلان (ەگىندىكول اۋدانى) «قايسار جىگىت» نوميناتسياسىمەن، كراسنىي يار سەلوسىنان ىسقاق ايبەك «جىگەرلى جىگىت» نوميناتسياسىنا يە بولدى.
جەڭىمپازدار مەن قاتىسۋشىلار ۇيىمداستىرۋ كوميتەتىنىڭ ديپلومدارى جانە اقشالاي سەرتيفيكاتتارىمەن ماراپاتتالدى.
