بايقاۋعا اقمولا وبلىسىنىڭ 13 ونەرلى وتباسىلارى قاتىستى. گران-پري يەگەرلەرى قوسشى قالاسىنىڭ جايبۋسينوۆتار وتباسى نۇرعيسا تىلەنديەۆتىڭ “اتا تولعاۋ” كۇيىن دومبىرا، باس دومبىرا، سىرناي، سىلدىرماق، شاڭقوبىز جانە تريانگل سىندى اسپاپتارىمەن ءساتتى ورىنداپ شىعىپ، كورەرمەندەر كوزايىمىنا اينالدى.
1 ورىن اتانعان اقكول اۋدانىنان قۇرمەتبەكتەر وتباسى جەتىگەن، قوبىز، دومبىرا، تۇياق جانە اساتاياق اسپاپتارىمەن قازاق حالقىنىڭ كۇيلەرىن ويناپ كوزگە ءتۇستى.
2 ورىندى استراحان اۋدانىنان ەرماحانوۆتار وتباسى يەلەنسە، ەرەيمەنتاۋ اۋدانىنان نۇرعاليەۆتار جانە اتباسار اۋدانىنان كرىجنىي وتباسىلارى (اتباسار اۋدانى) 3 ورىنعا لايىق دەپ تانىلدى. جانۇيالارىنىڭ بارلىق مۇشەلەرى قوسىلىپ ءان شىرقاپ، ونەرلەرىن ورتاعا سالدى.
اقمولا وبلىسى مادەنيەت باسقارماسىنىڭ باسشىسى ا.ءسابيتوۆا “بىرلىگى جاراسقان، بەرەكەلى، شىعارماشىل وتباسىلاردى دارىپتەۋ، كاسىبي وسۋلەرىڭىز بەن شىعارماشىلىقتارىڭىزعا قولداۋ كورسەتۋ، وتباسى ينستيتۋتىن نىعايتۋ جانە دامىتۋ ماقساتىندا “ونەرلى شاڭىراق” بايقاۋى 7 جىل بويى ءداستۇرلى تۇردە وتكىزىلىپ كەلەدى”- دەپ، اتالمىش شاراعا بەلسەندى قاتىسقان ءار وتباسى مۇشەلەرىنە ريزاشىلىعىن ءبىلدىردى.
اتالمىش بايقاۋدىڭ بارلىق قاتىسۋشىلارى ديپلومدارمەن جانە اقشالاي سەرتيفيكاتتارمەن ماراپاتتالدى.
