قورعانىس مينيسترلىگىنىڭ ارىس قالاسىنداعى اسكەري بولىمىندە كەلىسىمشارتپەن جۇمىس ىستەيتىن ەفرەيتور ءوز باسىنان ءوزى اتىپ، اۋرۋحاناعا ءتۇستى. بۇل اقپاراتتى رەداكتسياعا قورعانىس مينيسترلىگى راستادى، دەپ حابارلايدى “ادىرنا” ۇلتتىق پورتالى.
دەرەككوزگە سۇيەنسەك، اسكەري قىزمەتشىنىڭ جاعدايى اۋىر.
«2024 جىلدىڭ 16 قىركۇيەگىندە تاۋلىكتىك كەزەكشىلىككە تۇسكەن اسكەري قىزمەتشى مىلتىقتى الىپ، ءوز باسىنا ءوزى وق اتقان. ول كەلىسىمشارتپەن جۇمىس ىستەيتىن اسكەري ادام. الدىن الا اقپارات بويىنشا، ول وتباسىنداعى جانجالعا بايلانىستى سۋيتسيد جاساماق بولعان. قازىر ول اۋداندىق اۋرۋحانادا جاتىر»، - دەپ حابارلادى قورعانىس مينيسترلىگى.
اتالعان فاكتى بويىنشا قىلمىستىق ءىس قوزعالعان.
ەسكە سالساق، بۇعان دەيىن جەزقازعاندا اسكەري ءبولىم وفيتسەرى ءوزىن كەزدەيسوق اتىپ العان بولاتىن.
