Қорғаныс министрлігінің Арыс қаласындағы әскери бөлімінде келісімшартпен жұмыс істейтін ефрейтор өз басынан өзі атып, ауруханаға түсті. Бұл ақпаратты редакцияға қорғаныс министрлігі растады, деп хабарлайды “Адырна” ұлттық порталы.
Дереккөзге сүйенсек, әскери қызметшінің жағдайы ауыр.
«2024 жылдың 16 қыркүйегінде тәуліктік кезекшілікке түскен әскери қызметші мылтықты алып, өз басына өзі оқ атқан. Ол келісімшартпен жұмыс істейтін әскери адам. Алдын ала ақпарат бойынша, ол отбасындағы жанжалға байланысты суицид жасамақ болған. Қазір ол аудандық ауруханада жатыр», - деп хабарлады Қорғаныс министрлігі.
Аталған факті бойынша қылмыстық іс қозғалған.
Еске салсақ, бұған дейін Жезқазғанда әскери бөлім офицері өзін кездейсоқ атып алған болатын.
Другие материалы
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз