بۇگىن، 16 قىركۇيەكتە پرەزيدەنت قاسىم-جومارت توقاەۆ حالىق قاھارمانى ءسات توقپاقباەۆقا ايرىقشا ەرەكشەلىك بەلگىسى – التىن جۇلدىز بەن «وتان» وردەندەرىن سالتاناتتى تۇردە تابىستادى، دەپ حابارلايدى «ادىرنا» ءتىلشىسى.
مەملەكەت باسشىسى جيىندا ارنايى ءسوز سويلەپ، ءسات توقپاقباەۆتى قالىڭ جۇرتشىلىق قۇرمەتتەيتىنىن، ونىڭ ەڭبەك جولى ەل ومىرىمەن تىعىز بايلانىستى بولعانىن ايتتى.
– ءسىز قاستەرلى وتانىمىزعا ادال قىزمەت ەتتىڭىز. ەندى عانا تاۋەلسىزدىك الىپ، دەربەس مەملەكەت بولعان جىلدارى اسا جاۋاپتى مىندەتتەردى اتقارۋعا بىلەك سىبانا كىرىسىپ كەتتىڭىز. ەلىمىزدىڭ تىنىشتىعى مەن تۇتاستىعىن ساقتاۋ ءۇشىن وراسان زور ۇلەس قوستىڭىز. شىن مانىندە، مۇنى ناعىز ەرلىك دەپ باعالاۋعا بولادى. قازىر دە قوعامعا پايدالى ىستەردى اتقارىپ جۇرگەنىڭىزدى ءبىز جاقسى بىلەمىز. ەلىمىزدىڭ لايىقتى ازاماتىسىز، – دەدى قاسىم-جومارت كەمەلۇلى.
بۇعان دەيىن ءسات توقپاقباەۆقا «حالىق قاھارمانى» اتاعى بەرىلگەنىن جازعان ەدىك.
