عىلىم جانە جوعارى ءبىلىم ءمينيسترى ساياسات نۇربەك تۇركى ەلدەرىنە ارنالعان ورتاق الىپبيگە قاتىستى پىكىر ءبىلدىردى، دەپ حابارلايدى «ادىرنا» ءتىلشىسى قازاقپاراتقا سىلتەمە جاساپ.
مينيستر كوميسسيانىڭ 34 ارىپتەن تۇراتىن ءالىپبي ۇلگىسىنە قاتىستى قابىلداعان كەلىسىمى ساياسي شەشىم ەمەس ەكەنىن اتاپ ءوتتى.
«وزدەرىڭىزگە ءمالىم، تۇركى مەملەكەتتەرىنىڭ وتىرىستارىندا عىلىمي قاۋىمداستىقتارعا، عالىمدارعا ورتاق ءالىپبي ۇلگىسىن قاراستىرۋعا قاتىستى بىرنەشە تاپسىرما بەرىلگەن. سوندىقتان بىرنەشە كەزدەسۋ بولدى. حالىقارالىق تۇركى اكادەمياسىنىڭ نەگىزىندە بىرنەشە تالقىلاۋ قورىتىندىسىنان كەيىن اكادەميا باسشىسى شاين مۇستافاەۆ مىرزا وسىنداي قۇجاتقا قول قويعان. تاعى دا ايتامىن، بۇل ۇكىمەت دەڭگەيىندەگى نەمەسە ساياسي قۇجات ەمەس. تەك عىلىمي قاۋىمداستىق تاراپىنان تالقىلانىپ جاتقان قۇجات»، - دەدى ول.
ەسكە سالايىق، بۇعان دەيىن تۇركى تىلدەرىنە ورتاق ءالىپبي ۇلگىسى ازىرلەنگەنىن جازعان ەدىك.
