Ǵylym jáne joǵary bilim mınıstri Saıasat Nurbek túrki elderine arnalǵan ortaq álipbıge qatysty pikir bildirdi, dep habarlaıdy «Adyrna» tilshisi QazAqparatqa silteme jasap.
Mınıstr komıssııanyń 34 áripten turatyn álipbı úlgisine qatysty qabyldaǵan kelisimi saıası sheshim emes ekenin atap ótti.
«Ózderińizge málim, túrki memleketteriniń otyrystarynda ǵylymı qaýymdastyqtarǵa, ǵalymdarǵa ortaq álipbı úlgisin qarastyrýǵa qatysty birneshe tapsyrma berilgen. Sondyqtan birneshe kezdesý boldy. Halyqaralyq Túrki akademııasynyń negizinde birneshe talqylaý qorytyndysynan keıin akademııa basshysy Shaın Mustafaev myrza osyndaı qujatqa qol qoıǵan. Taǵy da aıtamyn, bul Úkimet deńgeıindegi nemese saıası qujat emes. Tek ǵylymı qaýymdastyq tarapynan talqylanyp jatqan qujat», - dedi ol.
Eske salaıyq, buǵan deıin túrki tilderine ortaq álipbı úlgisi ázirlengenin jazǵan edik.
