اقمولا وبلىسىندا پرەزيدەنت قاسىم-جومارت توقاەۆتىڭ باستاماسىمەن «جايلى مەكتەپ» ۇلتتىق جوباسى بەلسەندى جۇزەگە اسىرىلۋدا. بۇگىن قاراوتكەل اۋىلىنىڭ 1500 وقۋشىسى ءۇشىن ءىT باعىتىنداعى تاعى ءبىر مەكتەپ ەسىگىن ايقارا اشتى. ەستەرىڭىزگە سالا كەتەيىك، بۇل تسەلينوگراد اۋدانىندا وقۋ جىلىنىڭ باسىنان بەرى اشىلعان ءۇشىنشى جايلى مەكتەپ.
مەكتەپ جايلىلىق پەن قاۋىپسىزدىكتىڭ بارلىق زاماناۋي تالاپتارىنا ساي كەلەدى. ءبىلىم ورداسىندا قوسىمشا ءبىلىم بەرۋ ساباقتارىن وتكىزۋگە ارنالعان كابينەتتەر، حورەوگرافيادان روبوتوتەحنيكاعا دەيىنگى ءارتۇرلى ۇيىرمەلەر بار، قاۋىپسىزدىك كامەرالارى مەن دابىل تۇيمەلەرى ورناتىلعان.
اقمولا وبلىسىنىڭ اكىمى مارات احمەتجانوۆ اۋىلعا ارنايى كەلىپ، وقۋشىلاردى مەكتەپتىڭ اشىلۋىمەن قۇتتىقتادى.
«جايلى مەكتەپ» جوباسى مەكتەپتەردە ورىن تاپشىلىعى ماسەلەسىن شەشەدى، وقۋشىلار مەن پەداگوگتار ءۇشىن قولايلى جاعداي جاسايدى، قالالىق جانە اۋىلدىق مەكتەپتەر اراسىنداعى ءبىلىم ساپاسىنداعى الشاقتىقتى ازايتادى. وسكەلەڭ ۇرپاقتىڭ ۇيلەسىمدى جانە باقىتتى بالالىق شاعى – جالپىۇلتتىق مىندەت»، - دەپ اتاپ ءوتتى م.احمەتجانوۆ.
جاڭا ءبىلىم بەرۋ نىسانىنىڭ اشىلۋىمەن قر ىشكى ىستەر ءمينيسترىنىڭ ورىنباسارى يگور لەپەحا دا قۇتتىقتادى.
«وتكەن جىلى ءبىزدىڭ كىشكەنتاي ءارى جاس اۋىلىمىزدا ەلوردا مەكتەپتەرىنەن ەش كەم تۇسپەيتىن وسىنداي زاماناۋي جانە ادەمى مەكتەپ اشىلاتىنىن ويلاماعان ەدىك. نەمەرەمنىڭ وسىنداي مەكتەپتە وقيتىنىنا قۋانىشتىمىن»، - دەپ ءبولىستى اۋىل تۇرعىنى گۇلنۇر امانوۆا.
مۇندا قوناقتارعا تۇڭعىش اشىلعان جاس جول ينسپەكتورلارىنىڭ كابينەتى، سونداي-اق كامەلەتكە تولماعاندار اراسىنداعى قۇقىق بۇزۋشىلىقتاردىڭ الدىن الۋ بويىنشا ۆەدومستۆوارالىق ءوزارا ءىس-قيمىل جانە «ءبىرتۇتاس تاربيە» بىرىڭعاي تاربيە باعدارلاماسى اياسىندا اشىلعان «سكۋد»، «Alaqan» مەكتەپتەردىڭ قاۋىپسىزدىك جۇيەلەرى تانىستىرىلدى. مۇنداي سىنىپتىڭ اشىلۋى ەڭ الدىمەن پاتريوتيزم مەن وتانعا دەگەن سۇيىسپەنشىلىكتى تاربيەلەۋگە، مەكتەپ ورتاسىندا قۇقىق بۇزۋشىلىقتاردىڭ الدىن الۋعا، وعان قوسا ماماندىق تاڭداۋعا كومەكتەسۋگە باعىتتالعان.
ايتا كەتەيىك، اقمولا وبلىسىندا جىل سوڭىنا دەيىن 10 مەكتەپ، ونىڭ ىشىندە 6 جايلى مەكتەپ اشۋ جوسپارلانۋدا.
