27 ميلليون تەڭگە ۇرلادى دەگەن كۇدىككە ىلىنگەن قازاقستاندىق ايەل تۇركيادان ەكستراديتسيالاندى. بۇل تۋرالى بۇگىن، 16 قىركۇيەكتە باس پروكۋراتۋرانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
كۇدىكتىنى قولعا تۇسىرۋگە ينتەرپول مەن تۇركياداعى قازاقستان ەلشىلىگى كومەك بەرگەن.
«ايەل 2022-2023 جىلدار ارالىعىندا الماتى قالاسىنداعى كوممەرتسيالىق ۇيىمنىڭ بۋحگالتەرى بولا وتىرىپ، تولەم تاپسىرمالارىنا جالعان مالىمەتتەر ەنگىزۋ ارقىلى وزىنە سەنىپ تاپسىرىلعان 27 ميلليون تەڭگەگە جۋىق اقشانى زاڭسىز يەمدەنگەن. قىلمىس جاساعاننان كەيىن كۇدىكتى جاسىرىنعان، وعان حالىقارالىق ىزدەۋگە جاريالانعان»، - دەپ جازادى پروكۋراتۋرا.
2024 جىلدىڭ تامىز ايىندا ايەل تۇركيادا ۇستالىپ، كەيىن قازاقستاندىق قۇقىق قورعاۋ قىزمەتكەرلەرىنە تاپسىرىلدى. قازىر ول استاناداعى تەرگەۋ اباقتىسىندا. ول 7 جىلدان 12 جىلعا دەيىن باس بوستاندىعىنان ايىرىلىپ، مۇلكى تاركىلەنۋى مۇمكىن.
