27 mıllıon teńge urlady degen kúdikke ilingen qazaqstandyq áıel Túrkııadan ekstradıııalandy. Bul týraly búgin, 16 qyrkúıekte Bas prokýratýranyń baspasóz qyzmeti jazdy, dep habarlaıdy «Adyrna» tilshisi.
Kúdiktini qolǵa túsirýge Interpol men Túrkııadaǵy Qazaqstan elshiligi kómek bergen.
«Áıel 2022-2023 jyldar aralyǵynda Almaty qalasyndaǵy kommerııalyq uıymnyń býhgalteri bola otyryp, tólem tapsyrmalaryna jalǵan málimetter engizý arqyly ózine senip tapsyrylǵan 27 mıllıon teńgege jýyq aqshany zańsyz ıemdengen. Qylmys jasaǵannan keıin kúdikti jasyrynǵan, oǵan halyqaralyq izdeýge jarııalanǵan», - dep jazady prokýratýra.
2024 jyldyń tamyz aıynda áıel Túrkııada ustalyp, keıin qazaqstandyq quqyq qorǵaý qyzmetkerlerine tapsyryldy. Qazir ol Astanadaǵy tergeý abaqtysynda. Ol 7 jyldan 12 jylǵa deıin bas bostandyǵynan aıyrylyp, múlki tárkilenýi múmkin.
