اسىلان بولاتوۆ اقتاۋ پلاستماسسا زاۋىتى مەن بن-350 رەاكتور قوندىرعىسىنىڭ قۇرىلىسىنا بەلسەندى قاتىسقان تاجىريبەلى مامان. ول قازاقستاندا اەس سالۋ تۋراسىندا ءوز پىكىرىمەن ءبولىستى، دەپ حابارلايدى قوعامدىق كوممۋنيكاتسيا ورتالىعى.
- بن- 350 اتوم رەاكتورىنىڭ ۇزدىكسىز جۇمىسىنىڭ ناتيجەسىندە جارىق پەن سۋدان تارشىلىق كورمەدىك. قازىر رەاكتوردى ىستەن شىعارۋ جۇمىستارى جۇزەگە اسىرىلۋدا.بۇگىندە قالا حالقى ءۇشىن سۋمەن جانە ەلەكتر قۋاتىمەن جابدىقتاۋ ماسەلەسى كۇن وتكەن سايىن وتكىرلەنىپ بارادى. قالا اۋماعىن كوگالداندىرۋ، جاسىل جەلەكتى ۋاقىتىلى سۋعارۋ جۇمىسىندا دا قيىندىقتار كەزىگەدى، - دەيدى اسىلان بولاتوۆ.
ول اتوم ستانتسيالارىن سالۋ وتە ماڭىزدى دەپ سانايدى.
- ءبىر-ەكى ەمەس، بىرنەشە اەس سالۋ قاجەت دەگەن پىكىردەمىن. سوندا عانا سۋمەن جابدىقتاۋ جۇيەسى بىرىزدەندىرىلەدى. اتوم ەلەكتر ستانتسيالارىن رەسەيلىك مامانداردىڭ قاتىسۋىمەن سالعان ءجون. قاي تاراپتان قاراساق تا ءتيىمدى. قۇرال-جابدىقتى الىس شەتەلدەن اربالاۋدىڭ قاجەتى جوق. مەن بولاشاق ۇرپاق ءۇشىن ەلەكتر ستانتسياسىن سالۋدى قولدايمىن. بالالارىمىز بەن نەمەرەلەرىمىز سۋ مەن جارىق ماسەلەلەرىن بىلمەي ءومىر سۇرسە ەكەن دەيمىن. وركەنيەتتىڭ وسى يگىلىكتەرى ءاردايىم قولجەتىمدى بولسا، تاريفتەر قۇنى دا كوتەرىلمەس ەدى، - دەيدى اسىلان بولاتوۆ.
