Asylan Bolatov Aqtaý plastmassa zaýyty men BN-350 reaktor qondyrǵysynyń qurylysyna belsendi qatysqan tájirıbeli maman. Ol Qazaqstanda AES salý týrasynda óz pikirimen bólisti, dep habarlaıdy Qoǵamdyq kommýnıkaııa ortalyǵy.
- BN- 350 atom reaktorynyń úzdiksiz jumysynyń nátıjesinde jaryq pen sýdan tarshylyq kórmedik. Qazir reaktordy isten shyǵarý jumystary júzege asyrylýda.Búginde qala halqy úshin sýmen jáne elektr qýatymen jabdyqtaý máselesi kún ótken saıyn ótkirlenip barady. Qala aýmaǵyn kógaldandyrý, jasyl jelekti ýaqytyly sýǵarý jumysynda da qıyndyqtar kezigedi, - deıdi Asylan Bolatov.
Ol atom stanııalaryn salý óte mańyzdy dep sanaıdy.
- Bir-eki emes, birneshe AES salý qajet degen pikirdemin. Sonda ǵana sýmen jabdyqtaý júıesi birizdendiriledi. Atom elektr stanııalaryn reseılik mamandardyń qatysýymen salǵan jón. Qaı taraptan qarasaq ta tıimdi. Qural-jabdyqty alys shetelden arbalaýdyń qajeti joq. Men bolashaq urpaq úshin elektr stanııasyn salýdy qoldaımyn. Balalarymyz ben nemerelerimiz sý men jaryq máselelerin bilmeı ómir súrse eken deımin. Órkenıettiń osy ıgilikteri árdaıym qoljetimdi bolsa, tarıfter quny da kóterilmes edi, - deıdi Asylan Bolatov.
